Sindh Tas muahide par aalmi court ka faisla Pakistan ki kamyabi hai: Chini akhbar

Chini jaride ke mutabiq International tribunal ke faisle se Pakistan ko ghair mutawaqqa kamyabi hasil hui, tribunal ne qarar diya ke aisa iqdam nahin hona chahiye tha.

Aalmi tribunal ke faisle se Pakistan ka Bharat par palda bhari ho gaya, dono mumalik ke darmiyan jangon aur chapqalish ke bawajood Sindh Tas muahida hamesha barqarar raha.

Jaride ke mutabiq 31 August ko Mustaqil Salasi Court ne faisla diya ke Delhi ke paas muahida muattal karne ka koi qanooni jawaz nahin, court ne Kashmir mein Ratle hydropower project ki tameer mehdood karne ka bhi hukm diya.

South China Morning Post ke mutabiq court ke faisle se Pakistan ke mauqif ko mazeed taqwiyat mili, 5 rukni panel ne muahida muattali se mutaliq Bharati dalail ko muttafiqa tor par mustarad kar diya.

Chini akhbar ke mutabiq Bharati mutanaza iqdam par International tribunal ne Pakistan ke haq mein wazeh faisla diya hai, yeh Pakistan ki safarti kamyabi hai jis ne Bharati hathkandon ko ulta kar rakh diya.