Afghanistan se Dehshatgardi Pakistan ke liye sabse bara masla: Daftar-e-Kharija
Islamabad: Daftar-e-Kharija ke tarjuman Sajjad Haider Khan ne kaha hai ke Pakistan ne hamesha aman ki baat ki hai, Pakistan mukammal tor par tayyar hai aur apni sarhadon ki hifazat karna jaanta hai.
Haftawar news briefing mein tarjuman ne kaha ke Afghanistan se Dehshatgardi Pakistan mein aa rahi hai aur yeh sabse bara masla hai. Un ke mutabiq guzishta ek saal mein is Dehshatgardi ke baais 1360 Pakistani jaan se gaye.
Tarjuman ne kaha ke tamam masail aur jangein safarat kari ke zariye hal hoti hain. Pakistan kabhi Afghanistan ke sath safarat kari se sharminda nahin hua.
Unhon ne kaha ke China, Uzbekistan aur digar mumalik ko bhi Afghanistan ke andar dehshatgardon ki mojoodgi se masla hai.
Makkah defence agreement ki tawseeh ke bare mein tarjuman ne kaha ke har mulk ka is ke liye apna tareeqa kaar hai. Pakistan aur Saudi Arabia apna tareeqa kaar mukammal kar chuke hain, jabke Turkiye apni parliament se is ki tawseeh kar raha hai.
Tarjuman ke mutabiq Makkah defence agreement ka jo masauda samne aa chuka hai, Pakistan is ki tauseeq kar raha hai. Unhon ne kaha ke Pakistan aalmi biradari ka aham rukn hai.
Tarjuman ke mutabiq Pakistan America ke sath mazakirat mein shareek hai. Wazir-e-Kharija Ishaq Dar ne Misr aur Iran ke wuzara-e-kharija se bhi rabita kiya.
Ishaq Dar R4 ijlas mein shirkat ke liye Turkiye pahunch chuke hain. R4 ke baad R4 Plus E3 ijlas hoga, jo is format ka pehla ijlas hoga.
Mazeed parhen: Pakistan
2027 ke liye gandum ki mujawwaza qeemat 4 hazar 500 rupay fi mann muqarrar
R4 ijlas: Saudi Arabia se yakjehti, Houthi hamlon ki muzammat
Wazir-e-azam Shehbaz Sharif ne 2027 ke liye gandum ki mujawwaza qeemat 4500 rupay fi mann muqarrar kar di
Sadr Zardari ka Gwadar mein dehshatgardon ka hamla nakam banane par security forces ko khiraj-e-tehseen
Pakistan aur Maldives ka do-tarfa tijarat 20 crore dollar tak barhane par ittefaq
Pak Iran sarhad ki bandish par zameeni maloomat nahin, zaireen ki aamad o raft jari: Dafter-e-Kharija
Gwadar mein security forces ki karwaiyan, khatoon samet 10 dehshatgard halak, ek shehri jaan-bahaq: ISPR
Shehbaz Sharif ki sadr Azad Kashmir se mulaqat, Kashmiri awam ki himayat jari rakhne ka azm
Ghair jamhoori nizam ke khilaf saf bandi karni hogi: Mahmood Khan Achakzai
Sanaullah ka intibah: Khyber Pakhtunkhwa operations mein abadi ne rasta na diya to nuqsan ka khadsha
Maashi istehkam ke baad gehri idarajati islahat ka marhala shuru, wazir-e-azam ki A&M wafd se guftagu
