SECP mein cyber security ke liye jadeed Security Operations Center qaim, chairman NADRA ne iftitah kiya

Islamabad: Cyber security ko mazboot banane ke liye jadeed Security Operations Center qaim kar diya gaya hai, jis ka iftitah chairman NADRA Lieutenant General Muhammad Munir Afsar ne kiya.

Is center ke zariye malumati asasson ki hifazat aur cyber khatraat ki barwaqt nishandahi mumkin ho sakegi. Security Operations Center International miyar aur behtareen aalami tareeqa kaar ke mutabiq kaam karega.

Iftitahi taqreeb mein chairman Dr Kabir Ahmed Sidhu aur commissioners ne shirkat ki.

Chairman SECP Dr Kabir Ahmed Sidhu ne chairman NADRA ko IT islahaat aur artificial intelligence ke istemal par briefing di aur bataya ke khidmaat ki faraahmi mein behtri aur karobari aasani ke liye jadeed technologies ka istemal barhaya ja raha hai.

Capital market ke tamam idaron ko cyber khatraat se nimatne ke liye aik mushtarka framework mein shamil kiya jayega.