Qila Saifullah mein karwai, aham Dehshatgardi commander halak: Ziaullah Langove
Qila Saifullah: Wazir-e-dakhila Balochistan Mir Ziaullah Langove ne Qila Saifullah mein security forces ki kamyab karwai ko khiraj-e-tehseen pesh kiya hai. Unhon ne kaha ke is karwai se Dehshatgardi ke khilaf moassir hikmat-e-amli aur security idaron ki pesha warana salahiyaton ka saboot milta hai.
Unhon ne kaha ke karwai ke dauran aham Dehshatgardi commander ka khatma aman dushman anasir ke liye wazeh paigham hai. Security forces ne barwaqt aur pesha warana karwai ke zariye dehshatgardon ke mazmoom azaim nakam banaye.
Mir Ziaullah Langove ne kaha ke Balochistan mein Dehshatgardi ke khatme ke liye security idaron ki musalsal koshishen qabil-e-tehseen hain. Dehshatgardon ke networks aur un ke sahulat karon ke khilaf moassir karwaiyan waqt ki aham zaroorat hain.
Unhon ne kaha ke Balochistan mein paedar aman ke qiyam ke liye Dehshatgardi ki moawanat karne wale tamam anasir ke khilaf karwaiyan nagozir hain. Dehshatgardi ke khilaf jang mein poori qaum apni security forces ke shana ba shana khari hai.
Wazir-e-dakhila Balochistan ne kaha ke soobe ke awam ke jaan o maal ka tahaffuz hukumat ki awleen tarjih hai. Balochistan ki taraqqi, khushhali aur istehkam ke liye Dehshatgardi ka mukammal khatma nagozir hai.
Mazeed parhen: Balochistan
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
Usta Muhammad: Deputy Commissioner ka digital library ka daura, tameeraati kaam ka jaiza
Rakhni: Assistant Commissioner ki aate ki dukanon ki achanak checking, naap tol mein kami par jurmane
Quetta: Soobai mohtasib Balochistan ki zer-e-sadarat muqadmat o shikayat ki pesh raft ka jaiza
Jafarabad: Assistant Commissioner Dheeraj Kalra ka District Headquarters Hospital ka daura, tibbi sahuliyat ka jaiza
Quetta: Shikayat o muqadmat ki pesh raft par soobai mohtasib ka afsaran ke sath aham ijlas
Usta Muhammad: Deputy Commissioner ki sadarat mein District Coordination Committee ka ijlas
Soobai wazir Sehat Bakht Kakar: Balochistan mein do saal se Polio ka koi case report nahin hua
Governor Balochistan se American businessman Tanveer Ahmed ki mulaqat, Scholarships aur sarmaya kari par baat cheet
Turbat: Government Girls Model High School ki talibaat ka Radio Pakistan Turbat ka mutalaati daura
Wazir-e-aala: Koh-e-Sulaiman Division ki tamam divisional postoun ki manzoori
