Rawal Dam mein pani ki satah buland, spillways kal kholne ka faisla

Zilai intizamia Islamabad ke mutabiq Rawal Dam mein pani ki satah 1751.40 feet tak pahunch gayi hai, jis ke baais spillways 26 August ko subah 6 baje khole jayenge.

Zilai intizamia ne spillways kholne ke dauran Rescue 1122, police aur mutaliqa idaron ko alert rehne ki hidayat ki hai. Intizamia ke mutabiq spillways kholne se qabl tamam mutaliqa idare zaroori ehtiyati tadabir yaqeeni banayenge taake mumkina khatraat se shehriyon ko mehfooz rakha ja sake.

Doosri jaanib intizamia ne shehriyon se appeal ki hai ke spillways khole jane ke dauran nadi nalon, barsati nalon aur nasheebi ilaqon ke qareeb jane se gurez karein aur intizamia ki jaanib se jari kardah hifazati hidayat par amal karein.