Pakistan-Kuwait protocol muahida 2026

Yeh muahida difai taawun ke liye 2023 ke pehle se maujood muahide ki bunyad par tashkeel diya gaya hai, jis ki baad mein 2026 mein riyasat-e-Kuwait ki jaanib se tauseeq ki gayi thi, yeh dono mumalik ke mabain qaim derina aitmaad ko mazboot idarajati aur operational difai taawun mein dhalta hai, jis ki bunyad ek aise rishte par hai jis ka muzahira pehli khaleeji jang ke dauran aur is ke baad bhi kiya gaya tha.

Yeh muahida difai taawun mein tauseeh, military-to-military rawabit ko mazboot banane aur fauji tarbiyat o taynati mein taawun ko barhane ke liye ek baqaida idarajati framework faraham karta hai, yeh protocol muahida kisi dusre do-tarfa ya kaseer-uljehati muahide se munsalik nahin hai aur ise sirf aur sirf Pakistan-Kuwait difai taalluqat ke framework ke andar hi dekha jana chahiye.

Yeh bunyadi taur par difai taawun ke muahide 2023 ka hi tasalsul hai aur is ke mouassir nifaz ke liye matluba tareeqa kaar faraham karta hai, yeh muahida Pakistan aur Kuwait ke mabain derina difai shirakat daari ko idarajati shakl dene aur ise mazeed mazboot banane ki simt ek aham pesh raft tasawwur ki ja rahi