Makkah mushtarka difaayi muahida islami duniya ke liye musbat paigham hai: Turk sadr

Turk sadr Recep Tayyip Erdogan ne peer ko Turkiye ke soobe Samsun mein naujawanon ke liye munaqida khusoosi program se khitab karte hue Makkah muahide se mutaliq musbat pesh raft se agah kiya.

Recep Tayyip Erdogan ne kaha ke Saudi Arabia, Pakistan aur Turkiye ne mil kar qadam uthaya hai, musbat pesh raft ho rahi hai aur hum is mein kamyab honge.

Turk sadr ka kehna tha ke Strait of Hormuz mein jo kuch ho raha hai hum use baghaur dekh rahe hain, na sirf Hormuz balke Khaleej ke bohat se hisson mein sanjeeda nauiyat ki mushkilat hain.

Unhon ne kaha ke Turkiye islami duniya ko darpesh mushkilat par qaboo paane mein madad karna chahta hai aur is maqsad ke liye khitte mein apni koshishen jari rakhe hue hai taake in challenges se jald az jald nimta ja sake.

Turk sadr ne mazeed kaha ke is mamle ko mamooli nahin samjha ja sakta