Houthiyon ka Yemeni ilaqe Dhubab aur strategic jazeera Mayun par bhi qabza

Irani sarkari khabar agency ke mutabiq Houthiyon ne Bab-el-Mandeb par nazar rakhne wale aham fauji markaz Al-Umari garrison aur Bahira-e-Ahmar mein jazeera Zuqar par bhi control hasil karne ka daawa kiya hai, is ka maqsad aalmi satah par aham tijarati raste par girift mazboot karna hai.

Houthi rehnuma Muhammad al-Bukhaiti ne Jumeraat ko Bab-el-Mandeb par control ka daawa kiya tha, Houthi Yemen ke maghribi soobe Taiz mein aham ilaqon aur fauji adon par qabze ke baad Mocha airport tak pahunch gaye the.

Idhar Yemeni sarkari fauj ne kaha hai ke fizaiya ne pehle se elan kardah kill box mein bombari shuru kardi hai, shehri Taiz Mocha road aur Mocha Dhubab road istemal karne se gurez karein.