Shia Conference wafd ki Commissioner Quetta se mulaqat, Hazara Town mein manshiyat aur sheesha points ke khilaf karrawai ka hukum
Quetta: Commissioner Quetta Division Zeeshan Lashari se Balochistan Shia Conference ke wafd ne mulaqat ki, jis mein zaireen ki naqal o harkat aur tajir biradari ko darpesh masail samet mukhtalif awami o intizami umoor par tabadla-e-khayal kiya gaya. Mulaqat mein Deputy Commissioner Quetta West Munir Ahmed Durrani samet deegar afsaran bhi maujood the.
Wafd ne business visa par safar karne wale afrad ko Pakistan House mein rokne ke mamle se agah karte hue mushkilat ke fori izale ki darkhwast ki. Wafd ne Alamdar Road par do se teen mah se kharab tube well ki marammat, taleemi idaron mein bunyadi sahuliyat aur taleemi mahol ki behtari, Polio muhim mein mutalliqa ilaqon ke muqami afrad ko teamon mein shamil karne aur Hazara Town mein manshiyat, sheesha points aur huqqa khanon ke khilaf karrawai ka mutalba bhi kiya.
Commissioner Zeeshan Lashari ne yaqeen dehani karai ke business visa par safar karne walon ki mushkilat ke hal ke liye mutalliqa hukkam se rabita kiya jaye ga, aur Alamdar Road ke kharab tube well ki marammat ke liye WASA se rabite ki hidayat ki. Unhon ne taleemi idaron ki sahuliyat ke liye mutalliqa directors ko marasle bhejne ka faisla kiya aur Polio teamon mein muqami afrad ki taynati yaqeeni banane ki hidayat ki.
Commissioner ne Deputy Commissioner Quetta West Munir Ahmed Durrani ko Hazara Town mein manshiyat ke khilaf sakht karrawai aur sheesha points o huqqa khanon ke khilaf mousir iqdamat ki hidayat bhi ki.
Tasveer: Bashukriya DG PR Balochistan
Mazeed parhen: Balochistan
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
Usta Muhammad: Deputy Commissioner ka digital library ka daura, tameeraati kaam ka jaiza
Quetta: Soobai mohtasib Balochistan ki zer-e-sadarat muqadmat o shikayat ki pesh raft ka jaiza
Rakhni: Assistant Commissioner ki aate ki dukanon ki achanak checking, naap tol mein kami par jurmane
Jafarabad: Assistant Commissioner Dheeraj Kalra ka District Headquarters Hospital ka daura, tibbi sahuliyat ka jaiza
Quetta: Shikayat o muqadmat ki pesh raft par soobai mohtasib ka afsaran ke sath aham ijlas
Usta Muhammad: Deputy Commissioner ki sadarat mein District Coordination Committee ka ijlas
Soobai wazir Sehat Bakht Kakar: Balochistan mein do saal se Polio ka koi case report nahin hua
Governor Balochistan se American businessman Tanveer Ahmed ki mulaqat, Scholarships aur sarmaya kari par baat cheet
Turbat: Government Girls Model High School ki talibaat ka Radio Pakistan Turbat ka mutalaati daura
