Power Division ki darameedi koyle ki khareedari ke tareeqa-e-kaar mein kharabiyon ki nishandahi
Power Division ke mutabiq wazir-e-tawanai Awais Leghari ki zer-e-sadarat koyle ki khareedari se mutalliq mutaddid ijlas hue, jin mein koyle ki khareedari ka asal data, muahidon aur market mein raij tareeqa-e-kaar ka tafseeli jaiza liya gaya.
Power Division ka kehna hai ke hukumat darameedi koyle ki khareedari, daramad aur tarseel ke shobe mein islahat ka amal shuru kar rahi hai, koyle ki khareedari ke liye behtareen dastiyab riayat ka usool mutaarif karane ka faisla kiya gaya hai, jis ke tehat kam riayat dene wale aalmi supplier se coal power plants ko koyla khareedne ki ijazat nahin hogi.
Hukkam ke mutabiq is se qabl mukhtalif power plants aik hi coal supplier se mukhtalif riayatein hasil karte rahe, koyle ki khareedari par mukhtalif power plants ko 25 cent se 7.12 dollar fi ton tak ki mukhtalif riayatein milti rahin, jabke baaz backup supply muahidon mein markazi supply muahidon se bhi zyada riayat hasil ki gayi.
Power Division ke mutabiq baaz coal power plants ne muahide ke bawajood zyada riayat dene wale supplier se koyla nahin khareeda, jis ke nateeje mein koyle ki khareedari ki izafi laagat barah-e-raast bijli sarafeen par muntaqil hoti rahi.
Wazir-e-tawanai Awais Leghari ne kaha ke Power Division data aur market ke tajziye ke zariye koyle ki khareedari ke tareeqa-e-kaar mein khamiyon ki nishandahi kar raha hai aur unhein moasir regulatory o policy iqdamat ke zariye door kiya ja raha hai.
Unhon ne kaha ke islahati iqdamat se hasil hone wali bachat ka barah-e-raast faida bijli sarafeen tak pahunchaya jayega. Koyle ki khareedari mein mudakhlat ka maqsad tijarati muamalat mein dakhal andazi nahin balke eendhan ki khareedari ko moasir aur shaffaf banana hai.
Awais Leghari ke mutabiq bijli ki paidawar ke liye eendhan ki laagat bijli sarafeen se wasool ki jati hai, is liye eendhan ki khareedari moasir, shaffaf aur kam se kam laagat par honi chahiye. Power Division ka maqsad ghair zaroori akhrajat khatam karke bijli sarafeen ko haqeeqi relief faraham karna hai
Wazir-e-khazana Aurangzeb: Khapat par mabni taraqqi ki taraf wapsi se bahali char panch saal peechhe jayegi
Hormuz mein tankers par hamle, Saudi tanseebat nishane par; Brent khaam tel paanch maah ki buland satah par
Haftawar Mehngai mein 0.65 fisad izafa, salana sharah 11.85 fisad ho gayi
Pakistan ki bairooni maliyati position kamzor hone ka khadsha, IMF ki tanbeeh
PSX mein mandi, KSE-100 index 1,550 points gir kar 162,375 par band
IMF ki pesh goi: khitte ki maeeshat is saal 1.3 feesad sikdegi, 2027 mein 6.6 feesad numo
Russia par pabandiyon mein narmi ke baad tel sasta, Brent 107 dollar ke qareeb
Lahore mein naan ki qeemat 5 rupay barh kar 35 rupay ho gayi, roti 20 rupay par barqarar
Khaleeji kashidagi ke paish-e-nazar monetary policy mein sharah-e-sood na barhai jaye: Faisal Moiz Khan
State Bank ki monetary policy committee ka ijlas 26 October ko, sharh-e-sood mein izafe ka imkan
Karachi mein 20 kilo aate ka thaila 3540 rupay ka, mulk bhar mein sab se mehnga
