Gwadar mein 16 rozah EPI outreach muhim, Pasni, Pishkan aur Shambay Ismail samet door daraz ilakon mein bachon ko hifazati teeke
Gwadar: Hukumat-e-Balochistan ki sehat-e-amma aur Hifazati Teeka Jat ki policy ke tehat aur Chief Minister Balochistan Mir Sarfraz Ahmed Bugti ke vision ki roshni mein zila Gwadar mein August 2026 ke dauran 16 rozah Tausee-e-Program bara-e-Hifazati Teeka Jat (EPI) outreach sargarmi munaqid ki gayi, jis ka maqsad hifazati teekon se mehroom aur kam vaccine shuda bachon tak rasai aur maamool ki vaccination coverage ko muassir banana tha.
Deputy District Health Officer Gwadar Dr Farooq ke mutabiq zila bhar mein bachon ko hifazati vaccine ki faraahmi tasalsul se jaari hai aur outreach sargarmiyon ke zariye door daraz, pasmanda aur kam rasai wale ilakon tak bhi sahulat pahunchayi ja rahi hai. Un ka kehna tha ke hukumati tarjihat ke mutabiq koi bacha hifazati teekon se mehroom na rahe, is liye maamool ki vaccination ke saath outreach sargarmiyan bhi munazzam andaz mein jaari hain.
Sargarmi ke dauran Gwadar shehar, New Abad, Pishkan, Shambay Ismail aur Pasni samet zila bhar mein khusoosi vaccination sessions hue jahan bachon ko schedule ke mutabiq hifazati teeke lagaye gaye. Walidain aur maqami community ko barwaqt vaccination ki ahmiyat, hifazati teekon ke fawaid aur qabil-e-insidad bimariyon se bachao ke bare mein aagahi bhi di gayi.
Tasveer: Bashukriya DGPR Balochistan
Mazeed parhen: Balochistan
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
Usta Muhammad: Deputy Commissioner ka digital library ka daura, tameeraati kaam ka jaiza
Quetta: Soobai mohtasib Balochistan ki zer-e-sadarat muqadmat o shikayat ki pesh raft ka jaiza
Rakhni: Assistant Commissioner ki aate ki dukanon ki achanak checking, naap tol mein kami par jurmane
Jafarabad: Assistant Commissioner Dheeraj Kalra ka District Headquarters Hospital ka daura, tibbi sahuliyat ka jaiza
Quetta: Shikayat o muqadmat ki pesh raft par soobai mohtasib ka afsaran ke sath aham ijlas
Usta Muhammad: Deputy Commissioner ki sadarat mein District Coordination Committee ka ijlas
Soobai wazir Sehat Bakht Kakar: Balochistan mein do saal se Polio ka koi case report nahin hua
Governor Balochistan se American businessman Tanveer Ahmed ki mulaqat, Scholarships aur sarmaya kari par baat cheet
Turbat: Government Girls Model High School ki talibaat ka Radio Pakistan Turbat ka mutalaati daura
