Chaman: Khusoosi insidad-e-polio muhim ke doosre roz ka jaiza, schoolon mein 5 se 10 saal ke bachon ko FIPV vaccine
Chaman: Deputy Commissioner Chaman Habib Ahmed Bangulzai ki zer-e-sadarat zila mein jari khusoosi insidad-e-Polio muhim (FIPV-OPV) ke doosre roz ki karkardagi ke jaize ke liye sham ka review ijlas munaqid hua.
Ijlas mein DHO Dr Muhammad Owais, Deputy DHO Dr Rasheed Achakzai, NSTOP officer Asad Safi, mehkama-e-Sehat ke technical focal person Dr Najeeb, TVI ke zilai sarbarah Muhammad Ali Achakzai, Polio officer Dr Nadir Achakzai, zilai communication officer Ashraf Achakzai aur Dr Amin samet deegar afsaran shareek hue.
Ijlas mein teamon ki karkardagi, coverage, finger o house marking, security surat-e-haal, field challenges aur miss shuda bachon ki wujuhat ka jaiza liya gaya. Bataya gaya ke muhim ke dauran schoolon aur madaris mein dakhil 5 se 10 saal tak ke bachon ko bhi khusoosi FIPV vaccine aur Polio ke qatre diye ja rahe hain.
Deputy Commissioner ne hidayat ki ke koi bacha Polio ke qatron aur FIPV vaccine se mahroom na rahe, aur teamon ki musalsal nigrani, muassir micro planning, security idaron se rabte aur walidain ke taawun se muhim kamyab banai jaye. Ijlas mein mushkil ilaqon tak rasai aur miss shuda bachon ki fori coverage ki hikmat-e-amali par bhi ittefaq kiya gaya.
Tasveer: Bashukriya DGPR Balochistan
Mazeed parhen: Balochistan
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
Usta Muhammad: Deputy Commissioner ka digital library ka daura, tameeraati kaam ka jaiza
Quetta: Soobai mohtasib Balochistan ki zer-e-sadarat muqadmat o shikayat ki pesh raft ka jaiza
Rakhni: Assistant Commissioner ki aate ki dukanon ki achanak checking, naap tol mein kami par jurmane
Jafarabad: Assistant Commissioner Dheeraj Kalra ka District Headquarters Hospital ka daura, tibbi sahuliyat ka jaiza
Quetta: Shikayat o muqadmat ki pesh raft par soobai mohtasib ka afsaran ke sath aham ijlas
Usta Muhammad: Deputy Commissioner ki sadarat mein District Coordination Committee ka ijlas
Soobai wazir Sehat Bakht Kakar: Balochistan mein do saal se Polio ka koi case report nahin hua
Governor Balochistan se American businessman Tanveer Ahmed ki mulaqat, Scholarships aur sarmaya kari par baat cheet
Turbat: Government Girls Model High School ki talibaat ka Radio Pakistan Turbat ka mutalaati daura
