Youm-e-Difa par Quetta mein 5 kilometre “Run for Fun” race, Lahore ke Muhammad Ahmad ne pehli position jeet li
Quetta: Mehkama Khel hukumat Balochistan ke zer-e-ehtemam Youm-e-Difa o Shuhada ke moqe par Quetta mein paanch kilometre “Run for Fun” race munaqid hui jis mein Lahore, Dera Ismail Khan aur Peshawar se bhi naujawanon aur athletes ne shirkat ki. Race Airport Road se shuru ho kar mukhtalif shahrahon se hoti hui Ayub Sports Complex mein khatam hui.
Lahore ke Muhammad Ahmad ne pehli, Abdul Rahim ne doosri aur Ain Ullah ne teesri position hasil ki, jinhein bil-tarteeb 50 hazar, 30 hazar aur 20 hazar rupay naqd inaam diya gaya. Mehman-e-khusoosi Director General Khel Dr Yasir Khan Bazai ne kamyab khilariyon ko medals pehnaye aur inamat diye.
Dr Yasir Khan Bazai ne media se guftagu mein kaha ke Chief Minister Balochistan Mir Sarfraz Bugti ke vision ke tehat aur soobai mushir Khel Meena Majeed Baloch ki sarbarahi mein yeh race munaqid ki gayi. Unhon ne kaha ke 1965 ki tarah aaj bhi poori qaum Pak Army ke shanaba shana khadi hai.
Unhon ne bataya ke Quetta mein yeh aathvin Run for Fun race thi aur naujawanon ki shirkat musalsal barh rahi hai. Is baar chauthi position wale athlete ko 10 hazar rupay jabke mazeed 10 khilariyon ko paanch, paanch hazar rupay dene ka bhi faisla kiya gaya. Race soobai coach Sanobar Khan, Deputy Director Sports Amanullah Khan aur Usman Awan ki nigrani mein hui, jabke traffic police aur security idaron ne bharpoor taawun kiya.
Tasveer: Bashukriya DGPR Balochistan
Mazeed parhen: Balochistan
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
Usta Muhammad: Deputy Commissioner ka digital library ka daura, tameeraati kaam ka jaiza
Quetta: Soobai mohtasib Balochistan ki zer-e-sadarat muqadmat o shikayat ki pesh raft ka jaiza
Rakhni: Assistant Commissioner ki aate ki dukanon ki achanak checking, naap tol mein kami par jurmane
Jafarabad: Assistant Commissioner Dheeraj Kalra ka District Headquarters Hospital ka daura, tibbi sahuliyat ka jaiza
Quetta: Shikayat o muqadmat ki pesh raft par soobai mohtasib ka afsaran ke sath aham ijlas
Usta Muhammad: Deputy Commissioner ki sadarat mein District Coordination Committee ka ijlas
Soobai wazir Sehat Bakht Kakar: Balochistan mein do saal se Polio ka koi case report nahin hua
Governor Balochistan se American businessman Tanveer Ahmed ki mulaqat, Scholarships aur sarmaya kari par baat cheet
Turbat: Government Girls Model High School ki talibaat ka Radio Pakistan Turbat ka mutalaati daura
