Wazir-e-aala Sarfraz Bugti se mines owners ke wafd ki mulaqat, maadniyat ke shobe ke masail hal karne ki hidayat
Quetta: Chief Minister Balochistan Mir Sarfraz Bugti se Mir Behroz Raki ki qayadat mein mines owners ke numainda wafd ne mulaqat ki, jis mein maadniyat ke shobe ko darpesh masail, mushkilat aur is ki taraqqi o behtari ke liye mukhtalif tajaweez par tabadla-e-khayal kiya gaya.
Wafd ne Chief Minister ko mines owners ko darpesh masail aur amali mushkilat se agah karte hue maadniyat ke shobe ki taraqqi, karobari sargarmiyon ke farogh aur dastiyab maadani wasail se mouassar andaz mein istifada karne ke hawale se apni tajaweez pesh kin.
Wafd ne is amr par zor diya ke maadniyat ka shoba Balochistan ki maishat mein aham kirdar ada karne ki salahiyat rakhta hai. Is shobe ki taraqqi se na sirf soobe ke qudrati wasail ko behtar andaz mein baroe kaar lane mein madad mil sakti hai balke rozgar ke naye mawaqe paida karne, maqami karobari sargarmiyon ko wusat dene aur soobai maishat ko mustahkam karne ki rahein bhi hamwar ho sakti hain.
Chief Minister Mir Sarfraz Bugti ne wafd ke pesh kardah masail aur tajaweez ko ghaur se suna aur maadniyat ke shobe se mutaliq qabil-e-amal tajaweez ka jaiza lene aur darpesh masail ke hal ke liye Secretary Mines ko ehkamat jari kiye. Unhon ne kaha ke soobe ke qudrati wasail ko awami mufad, maashi taraqqi aur rozgar ke mawaqe mein izafe ke liye mouassar andaz mein istemal kiya jaye ga.
Ijlas mein Chief Secretary Balochistan Shakeel Qadir Khan aur Secretary Mines and Minerals Saidal Khan Luni samet deegar hukkam shareek the.
Tasveer: Bashukriya DG PR Balochistan
Mazeed parhen: Balochistan
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
Usta Muhammad: Deputy Commissioner ka digital library ka daura, tameeraati kaam ka jaiza
Quetta: Soobai mohtasib Balochistan ki zer-e-sadarat muqadmat o shikayat ki pesh raft ka jaiza
Rakhni: Assistant Commissioner ki aate ki dukanon ki achanak checking, naap tol mein kami par jurmane
Jafarabad: Assistant Commissioner Dheeraj Kalra ka District Headquarters Hospital ka daura, tibbi sahuliyat ka jaiza
Quetta: Shikayat o muqadmat ki pesh raft par soobai mohtasib ka afsaran ke sath aham ijlas
Usta Muhammad: Deputy Commissioner ki sadarat mein District Coordination Committee ka ijlas
Soobai wazir Sehat Bakht Kakar: Balochistan mein do saal se Polio ka koi case report nahin hua
Governor Balochistan se American businessman Tanveer Ahmed ki mulaqat, Scholarships aur sarmaya kari par baat cheet
Turbat: Government Girls Model High School ki talibaat ka Radio Pakistan Turbat ka mutalaati daura
