Tump: Deputy Commissioner Barkat Ali Baloch ki zer-e-sadarat District Health Committee ka ijlas, tibbi marakiz mein ghaflat naqabil-e-bardasht
Tump: Deputy Commissioner Barkat Ali Baloch ki zer-e-sadarat District Health Committee (DHC) ka aham ijlas Deputy Commissioner Office Tump mein munaqid hua, jis mein zila bhar mein sehat-e-aamma ki sahuliyaat, sarkari hospitalon aur bunyadi marakiz-e-sehat ki karkardagi, tibbi amle ki dastiyabi, adviyaat ki faraahmi aur shobae sehat se mutalliq mukhtalif umoor ka tafseeli jaiza liya gaya.
Ijlas mein Assistant Commissioner Tump Shay Haq Hayat, District Health Officer Tump Dr Nowroz, PPHI ke DM Haji Khan, mutalliqa idaron ke numainday aur deegar afsaran ne shirkat ki.
Ijlas ke douran zila Tump ke sarkari hospitalon, bunyadi marakiz-e-sehat (BHU), dehi marakiz-e-sehat (RHC) aur deegar tibbi marakiz mein miyari tibbi sahuliyaat ki faraahmi, tibbi amle ki hazri, zaroori adviyaat ki dastiyabi, hifazati teeka jaat, zachcha o bachcha ki sehat, hangami tibbi khidmaat aur jari sehat programmon ki pesh raft ka jaiza liya gaya.
Deputy Commissioner Tump Barkat Ali Baloch ne kaha ke awam ko miyari aur bar-waqt tibbi sahuliyaat ki faraahmi zila intezamia ki awwaleen zimmedari hai. Unhon ne hidayat ki ke tamam tibbi marakiz mein doctors, para medical staff aur deegar amla apni zimmedariyan poori diyanatdari aur ehsas-e-zimmedari ke sath anjam dein, jabke mareezon ko behtareen tibbi sahuliyaat ki faraahmi mein kisi qisam ki ghaflat ya kotahi hargiz bardasht nahin ki jaye gi.
Unhon ne kaha ke nau qaim shuda zila Tump mein sehat ke shobe ko jadeed khutoot par ustuwar karne, tibbi sahuliyaat ko mazeed muassir banane, bunyadi marakiz-e-sehat ko faal karne aur awam ko behtar ilaj moalije ki sahulat faraham karne ke liye zila intezamia tamam dastiyab wasail baroye kaar laye gi.
Ijlas ke ikhtitam par sehat-e-aamma ke nizam ko mazeed mazboot, muassir aur awam dost banane, idaron ke darmiyan behtar hum ahangi paida karne aur tibbi khidmaat ka miyar buland karne ke hawale se mutaddid aham faislay kiye gaye.
Tasveer: bashukriya DGPR Balochistan
Mazeed parhen: Balochistan
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
Usta Muhammad: Deputy Commissioner ka digital library ka daura, tameeraati kaam ka jaiza
Quetta: Soobai mohtasib Balochistan ki zer-e-sadarat muqadmat o shikayat ki pesh raft ka jaiza
Rakhni: Assistant Commissioner ki aate ki dukanon ki achanak checking, naap tol mein kami par jurmane
Jafarabad: Assistant Commissioner Dheeraj Kalra ka District Headquarters Hospital ka daura, tibbi sahuliyat ka jaiza
Quetta: Shikayat o muqadmat ki pesh raft par soobai mohtasib ka afsaran ke sath aham ijlas
Usta Muhammad: Deputy Commissioner ki sadarat mein District Coordination Committee ka ijlas
Soobai wazir Sehat Bakht Kakar: Balochistan mein do saal se Polio ka koi case report nahin hua
Governor Balochistan se American businessman Tanveer Ahmed ki mulaqat, Scholarships aur sarmaya kari par baat cheet
Turbat: Government Girls Model High School ki talibaat ka Radio Pakistan Turbat ka mutalaati daura
