Sevi mein Youm-e-Azadi shayan-e-shan manane ka faisla, 5 August ko Youm-e-Istehsal Kashmir rally: District Coordination Committee ka ijlas
Sevi: Deputy Commissioner Sevi Major (r) Ilyas Kabzai ki zair-e-sadarat District Coordination Committee ka ijlas munaqid hua, jis mein Wing Commander Colonel Shehryar, chairman MC Sardar Muhammad Khan Khajak, Assistant Commissioner Sevi Mansoor Ali Shah, District Education Officer Abdul Sattar Lango, District Health Officer Dr Qadir Haroon, qanoon nafiz karne wale idaron ke numainda aur mukhtalif mehkamon ke zilai afsaran ne shirkat ki.
Deputy Commissioner ne kaha ke azadi ek azeem naimat hai jis se Allah Taala ne hamein nawaza hai, lihaza Youm-e-Azadi Pakistan qaumi jazbe, ittehad aur shayan-e-shan andaz mein manaya jaye ga. Unhon ne tamam sarkari mehkamon ko 14 August ke hawale se khusoosi taqribat, agahi programme aur qaumi jazba ujagar karne wali sargarmiyon ke inqad ki hidayat ki.
Unhon ne District Education Officer Abdul Sattar Lango ko hidayat di ke zila bhar ke tamam sarkari o nijee taleemi idaron mein milli naghmon, taqarir, tableaux, qaumi yakjehti par mabni programmon aur mukhtalif muqablon par mushtamil khusoosi taqribat munaqid ki jayen. Municipal aur mutaliqa idaron ko shehar mein safai, khoobsurti aur sajawat ke behtareen intezamat aur tamam sarkari daftar par qaumi parcham lehrane ki hidayat ki gayi.
Deputy Commissioner ne bataya ke 14 August ko zilai intezamia District Hospital aur District Jail ke daure bhi kare gi taake wahan maujood afrad ko bhi qaumi khushiyon mein shareek kiya ja sake. Ijlas mein Aman o Aman ki surat-e-haal ka jaiza liya gaya aur mehkamon ke sarbarahan ko matehat amle par kari nazar rakhne, idarajati nazm o zabt barqarar rakhne aur hangami surat-e-haal ke liye mukammal tayyari ki hidayat ki gayi.
Unhon ne kaha ke 5 August Youm-e-Istehsal Kashmir par zilai satah par bharpoor rally nikali jaye gi, jis mein sarkari mehkamon, qanoon nafiz karne wale idaron, civil society, mukhtalif makatib-e-fikr ke numaindon aur shehriyon ki shirkat yaqeeni banayi jaye gi. Ijlas ke ikhtitam par qaumi dinon ki taqribat ki kamyabi, Aman o Aman aur awami sahuliyat ke liye bahami taawun aur moasir rabte ki hidayat ki gayi.
Tasveer: Bashukriya DG PR Balochistan
Mazeed parhen: Balochistan
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
Usta Muhammad: Deputy Commissioner ka digital library ka daura, tameeraati kaam ka jaiza
Quetta: Soobai mohtasib Balochistan ki zer-e-sadarat muqadmat o shikayat ki pesh raft ka jaiza
Rakhni: Assistant Commissioner ki aate ki dukanon ki achanak checking, naap tol mein kami par jurmane
Jafarabad: Assistant Commissioner Dheeraj Kalra ka District Headquarters Hospital ka daura, tibbi sahuliyat ka jaiza
Quetta: Shikayat o muqadmat ki pesh raft par soobai mohtasib ka afsaran ke sath aham ijlas
Usta Muhammad: Deputy Commissioner ki sadarat mein District Coordination Committee ka ijlas
Soobai wazir Sehat Bakht Kakar: Balochistan mein do saal se Polio ka koi case report nahin hua
Governor Balochistan se American businessman Tanveer Ahmed ki mulaqat, Scholarships aur sarmaya kari par baat cheet
Turbat: Government Girls Model High School ki talibaat ka Radio Pakistan Turbat ka mutalaati daura
