Senate mein aaili qawaneen aur security guards ke huqooq samet 9 bill pesh, committeon ke supurd
Islamabad: Senate ijlas mein aaili qawaneen, mahaulyati insaaf, nijee security guards ke huqooq aur maashi mansooba bandi samet mukhtalif shobon se mutalliq 9 bill pesh kiye gaye. Chairman Senate ne tamam bill mutalliqa qaimah committeon ke supurd kar diye.
Senator Sarmad Ali ne aaili adalatein tarmeemi bill 2026 pesh kiya, jabke Senator Zarqa Suhrawardy ne qaumi tahaffuz shajar o mahaulyati insaaf bill 2026 aiwan mein pesh kiya.
Senator Khalil Tahir ne Federal Prosecution Service tarmeemi bill 2026 pesh kiya. Senator Samina Mumtaz Zehri ki jaanib se Pakistan Telecommunication tanzeem-e-nau tarmeemi bill 2026 pesh kiya gaya.
Senator Zarqa Suhrawardy aur Senator Sarmad Ali ne Muslim aaili qawaneen tarmeemi bill 2026 alag alag pesh kiye. Senator Sarmad Ali ne nijee security guards tahaffuz huqooq o falah behbood bill 2026 bhi aiwan mein pesh kiya.
Senator Samina Mumtaz Zehri ne Islamabad inzibat o insidad qabil talfi syringein bill 2026 pesh kiya, jabke Senator Zarqa Suhrawardy ne policy tasalsul, maashi peshbeeni qaumi mansooba bandi framework bill 2026 aiwan mein pesh kiya.
Chairman Senate ne tamam 9 bill mazeed ghaur o khauz ke liye mutalliqa qaimah committeon ko bhijwa diye.
Mazeed parhen: Pakistan
Imran Khan ko tanha na chhorne ka elan, bamaani muzakrat ke liye ghair mashroot amadgi: Mahmood Khan Achakzai
Ishaq Dar R4 ijlason mein shirkat ke liye Istanbul pahunch gaye
Governor raj aur emergency ke khilaf JUI ka usooli mauqif, Aslam Ghauri ka jamhooriyat dafan karne ka ilzam
Khyber Pakhtunkhwa ke agle wazir-e-aala wafaqi hukumat ke hamayat yafta honge: Kamran Murtaza
Pakistan ka Khalilzad ke ilzamat ko bebunyad aur gumrah kun qarar de kar musarrad karne ka elaan
Afghan Taliban hukumat dehshatgard groohon ke khilaf qabil-e-tasdeeq iqdamat kare: Wizarat-e-Itelaat
Governor raj ke bawajood Junaid Akbar PTI ke soobai sadr barqarar, tanzeemi dhanche mein tabdeeli na karne ka faisla
Gandum ki barhti qeematon par Ishaq Dar ki zer-e-sadarat cabinet committee ka ijlas
Wafaqi Aini Adalat: High Court intizamia ki jagah faisle nahin kar sakti
Wazir-e-azam Shehbaz Sharif se Lahore Chamber ke Founders Group ke wafd ki mulaqat
Sadr Zardari se Siemens ke Executive Vice President Daniel Fresh ki mulaqat, Pakistan mein Sehat ke shobe mein taawun barhane ki yaqeen dehani
