Sardarzada Mir Dinar Khan Domki ki Deputy Commissioner Kharan Munir Ahmed Soomro se mulaqat, behifazat bazyabi par mubarakbad

Quetta: Maroof siyasi o qabaili shakhsiyat Sardarzada Mir Dinar Khan Domki ne Quetta mein Deputy Commissioner Kharan Munir Ahmed Soomro se mulaqat ki aur un ki behifazat bazyabi par dili mubarakbad pesh ki.

Mir Dinar Khan Domki ne Munir Ahmed Soomro ki khairiyat daryaft ki, un ki behifazat bazyabi par itminan ka izhar kiya aur un ke liye nek tamannaon aur mustaqbil mein salamti o kamyabi ki duaen keen. Mulaqat mein bahami dilchaspi ke umoor par bhi tabadla-e-khayal kiya gaya.

Is mauqe par Mir Moiz Bugti, staff officer Muhammad Hanif Chhatta aur Mir Nisar Rind bhi un ke hamrah the.

Tasveer: Bashukriya DG PR Balochistan