Quetta mein bachon ke ghair registered formula doodh ke khilaf crackdown: 16 giraftar, 17 units seal, 874 kilo doodh zabt
Quetta: Chief Minister Balochistan ke ehkamat aur Deputy Commissioner Quetta Mehrullah Badini ki hidayat par zilai intezamia, Food Authority aur police ne ghair registered, ghair branded aur ghair miari bachon ke formula doodh ke khilaf khusoosi muhim ke tehat shehar ke mukhtalif ilaqon mein mushtarka karrawaiyan kien.
Karrawaiyon ke dauran 16 afrad ko giraftar aur 17 units seal kiye gaye, jabke majmooi taur par 874 kilogram bachon ka formula doodh zabt kiya gaya.
Kahan kahan karrawai hui
Assistant Commissioner (Saddar) Muhammad Yousuf Hashmi ne Nawan Killi mein karrawai karte hue 4 afrad ko giraftar, 5 units seal aur 92 kilogram formula doodh zabt kiya.
Assistant Commissioner (Sariab) Musawar Ahmed Achakzai, Special Magistrate Ijaz Hussain Khosa aur Izzatullah ne New Adda, Sarki Road aur Barech Market mein karrawai karte hue 6 afrad ko giraftar, 5 units seal aur 232 kilogram formula doodh zabt kiya.
Assistant Commissioner (City) Amir Hamza ne Mizan Chowk aur mulhiqa ilaqon mein karrawai karte hue 6 afrad ko giraftar, 7 units seal aur 350 kilogram formula doodh zabt kiya, jabke Drug Inspectors ne shehar ke mukhtalif medical stores par karrawai karte hue 200 kilogram formula doodh zabt kiya.
Zilai intezamia ne wazeh kiya hai ke bachon ki Sehat se khelne wale anasir ke khilaf karrawaiyan mazeed sakht ki jayengi, jabke ghair registered, ghair branded aur ghair miari formula doodh ki kharid o farokht kisi soorat bardasht nahin ki jayegi.
Tasveer: Bashukriya DGPR Balochistan
Mazeed parhen: Balochistan
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
Usta Muhammad: Deputy Commissioner ka digital library ka daura, tameeraati kaam ka jaiza
Quetta: Soobai mohtasib Balochistan ki zer-e-sadarat muqadmat o shikayat ki pesh raft ka jaiza
Rakhni: Assistant Commissioner ki aate ki dukanon ki achanak checking, naap tol mein kami par jurmane
Jafarabad: Assistant Commissioner Dheeraj Kalra ka District Headquarters Hospital ka daura, tibbi sahuliyat ka jaiza
Quetta: Shikayat o muqadmat ki pesh raft par soobai mohtasib ka afsaran ke sath aham ijlas
Usta Muhammad: Deputy Commissioner ki sadarat mein District Coordination Committee ka ijlas
Soobai wazir Sehat Bakht Kakar: Balochistan mein do saal se Polio ka koi case report nahin hua
Governor Balochistan se American businessman Tanveer Ahmed ki mulaqat, Scholarships aur sarmaya kari par baat cheet
Turbat: Government Girls Model High School ki talibaat ka Radio Pakistan Turbat ka mutalaati daura
