Qila Abdullah: Sarkari taleemi idaron ke budget aur maali nazm-o-nasq ka jaiza, funds ke shaffaf istemal ki hidayat
Qila Abdullah: Deputy Commissioner Qila Abdullah Munawar Hussain Magsi ki zere sadarat zila bhar ke sarkari taleemi idaron ke budget, maali nazm-o-nasq aur intezami umoor ka jaiza lene ke liye aham ijlas munaqid hua.
Ijlas mein District Finance Officer Faisal Khan, DC Superintendent Jafar Khan Tareen, Syed Muhammad Amin Agha, Abdul Manan Achakzai, District Education Officers, teenon tehsilon ke Deputy District Education Officers (DDEOs), Taraqqi Foundation ke numainDon aur mukhtalif cluster budget head schoolon ke sarbarahon ne shirkat ki.
Ijlas mein taleemi clusters ke budget, akhrajat, dastiyab funds aur maali umoor ka tafseeli jaiza liya gaya, jabke afsaran ne apne idaron ki maali soorat-e-haal aur zarooriyat par briefing di.
Deputy Commissioner Munawar Hussain Magsi ne hidayat ki ke sarkari funds mukammal shaffafiyat, diyanatdari aur hukumati maaliyati qawaid ke mutabiq istemal kiye jayein, budget record durust rakha jaye aur wasail ke barwaqt istemal se taleemi idaron mein sahuliyat aur miyari taleem yaqeeni banai jaye.
Ijlas ke ikhtitam par azm zahir kiya gaya ke zila Qila Abdullah mein taleem ke shobe ki behtari, wasail ke shaffaf istemal aur maali nazm-o-zabt ko mazeed moassir banaya jayega.
Tasveer: Bashukriya DG PR Balochistan
Mazeed parhen: Balochistan
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
Usta Muhammad: Deputy Commissioner ka digital library ka daura, tameeraati kaam ka jaiza
Quetta: Soobai mohtasib Balochistan ki zer-e-sadarat muqadmat o shikayat ki pesh raft ka jaiza
Rakhni: Assistant Commissioner ki aate ki dukanon ki achanak checking, naap tol mein kami par jurmane
Jafarabad: Assistant Commissioner Dheeraj Kalra ka District Headquarters Hospital ka daura, tibbi sahuliyat ka jaiza
Quetta: Shikayat o muqadmat ki pesh raft par soobai mohtasib ka afsaran ke sath aham ijlas
Usta Muhammad: Deputy Commissioner ki sadarat mein District Coordination Committee ka ijlas
Soobai wazir Sehat Bakht Kakar: Balochistan mein do saal se Polio ka koi case report nahin hua
Governor Balochistan se American businessman Tanveer Ahmed ki mulaqat, Scholarships aur sarmaya kari par baat cheet
Turbat: Government Girls Model High School ki talibaat ka Radio Pakistan Turbat ka mutalaati daura
