Naseerabad: District Development Committee ke ijlas mein BSDI Phase 2 ke mansoobon ka jaiza
Naseerabad: Deputy Commissioner Naseerabad Virender Lal ki zair-e-sadarat District Development Committee (DDC) ka aham ijlas munaqid hua, jis mein zila bhar mein jari taraqqiati mansoobon ka tafseeli jaiza liya gaya.
Ijlas mein XEN Buildings, XEN Public Health Engineering (PHE), XEN Roads, XEN Irrigation aur Assistant Director Local Government samet deegar mutaliqa mehkamon ke afsaran ne shirkat ki.
Ijlas ke douran BSDI Phase 2 ke tehat jari taraqqiati mansoobon ki pesh raft, darpesh masail, funds ke istemal aur mansoobon ki barwaqt takmeel se mutaliq tafseeli briefing di gayi. Afsaran ne apne shobon ke mansoobon ki mojooda soorat-e-haal, miyar-e-tameer aur awam ko darpesh masail ke hal ke iqdamat par roshni dali.
Deputy Commissioner Virender Lal ne ijlas se khitab karte hue kaha ke hukumat Balochistan awam ko bunyadi sahuliyat ki faraahmi ke liye tamam dastiyab wasail barooye kaar la rahi hai aur is silsile mein jari taraqqiati mansoobe nihayat ahmiyat ke hamil hain.
Unhon ne hidayat ki ke tamam mutaliqa afsaran apni pesha waraana zimmedariyan ahsan tareeqe se anjam dein aur mansoobon ki barwaqt aur miyari takmeel ke liye bharpoor iqdamat karein. Unhon ne takeed ki ke taraqqiati mansoobon mein shaffafiyat, miyar aur raftar barqarar rakhi jaye, aur kisi bhi qism ki ghaflat ya takheer hargiz bardasht nahin ki jaye gi.
Deputy Commissioner ne kaha ke awami mufad ke mansoobon ki takmeel se na sirf ilaqe ki taraqqi mumkin hogi balke hukumati iqdamat par awam ka aitemad bhi mazeed mustahkam hoga.
Tasveer: Bashukriya DGPR Balochistan
Mazeed parhen: Balochistan
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
Usta Muhammad: Deputy Commissioner ka digital library ka daura, tameeraati kaam ka jaiza
Quetta: Soobai mohtasib Balochistan ki zer-e-sadarat muqadmat o shikayat ki pesh raft ka jaiza
Rakhni: Assistant Commissioner ki aate ki dukanon ki achanak checking, naap tol mein kami par jurmane
Jafarabad: Assistant Commissioner Dheeraj Kalra ka District Headquarters Hospital ka daura, tibbi sahuliyat ka jaiza
Quetta: Shikayat o muqadmat ki pesh raft par soobai mohtasib ka afsaran ke sath aham ijlas
Usta Muhammad: Deputy Commissioner ki sadarat mein District Coordination Committee ka ijlas
Soobai wazir Sehat Bakht Kakar: Balochistan mein do saal se Polio ka koi case report nahin hua
Governor Balochistan se American businessman Tanveer Ahmed ki mulaqat, Scholarships aur sarmaya kari par baat cheet
Turbat: Government Girls Model High School ki talibaat ka Radio Pakistan Turbat ka mutalaati daura
