Gwadar ke Mahigeeron mein cheques aur green boots ki taqseem: Pasni mein 15 aur Jiwani mein 17 August ko
Gwadar: Rukn Soobai Assembly Maulana Hidayat ur Rehman Baloch ki zer-e-sadarat Fisheries Department Gwadar mein ijlas mun’aqid hua, jis mein zila Gwadar ke Mahigeeron ki falah o behbood, mahigeeri ke shobe ki taraqqi, mustahiq Mahigeeron ko sahuliyat ki faraahmi aur cheques, green boots o deegar zaroori aalaat ki shaffaf aur munsifana taqseem ka tafseeli jaiza liya gaya.
Ijlas mein Director Fisheries Ahmed Nadeem, Assistant Director Shah Fahad, Assistant Director Jiwani Bashir Kakar aur Assistant Director Pasni Shahzeb samet Fisheries Department ke deegar afsaran ne shirkat ki.
Pasni, Jiwani aur Ormara ke Mahigeeron ko cheques, green boots aur deegar aalaat ki faraahmi par mushawarat ke baad faisla kiya gaya ke 15 August ko Pasni aur 17 August ko Jiwani mein Mahigeeron mein cheques aur green boots taqseem kiye jayenge, jabke Ormara ke liye bhi jald tareekh muqarrar ki jayegi. Ijlas mein zor diya gaya ke jaal, hifazati saman aur deegar aalaat ki faraahmi shaffaf aur merit par ho taake haqeeqi aur mustahiq Mahigeeron tak sahuliyat pahunchein. Is iqdam ka maqsad Mahigeeron ki maashi haalat behtar banana, paidawari salahiyat barhana aur is shobe ko paidar buniyadon par taraqqi dena hai.
Ijlas mein mahigeeri ke wasail ke tahaffuz aur ghair qanooni fishing, mamnoo jaalon ke istemal aur samandari hayat ke ghair paidar shikar ki rok tham par bhi zor diya gaya, aur ittifaq kiya gaya ke qanooni aur zimmedarana fishing ka farogh, samandari wasail ka tahaffuz aur Mahigeeron ke rozgar ko mehfooz banana nagzeer hai.
Maulana Hidayat ur Rehman Baloch ne kaha ke Mahigeeron ki falah o behbood, un ke maashi huqooq ka tahaffuz aur mahigeeri ke shobe ko jadeed khutoot par ustawar karna ahem tarjihat mein shamil hai. Unhon ne hidayat ki ke sahuliyat, kashtiyon aur aalaat ki taqseem mein shaffafiyat, merit aur insaf har soorat yaqeeni banaya jaye taake kisi mustahiq Mahigeer ki haq talfi na ho. Un ka kehna tha ke mahigeeri sirf rozgar ka zariya nahin balke Gwadar ki maeeshat aur maqami abadi ki taraqqi mein buniyadi kirdar ada karti hai, is liye jadeed sahuliyat aur behtar aalaat ki faraahmi ke sath ghair qanooni fishing ki hausla shikni aur samandari wasail ke tahaffuz ke liye moassir iqdamat zaroori hain.
Tasveer: bashukriya DGPR Balochistan
Mazeed parhen: Balochistan
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
Usta Muhammad: Deputy Commissioner ka digital library ka daura, tameeraati kaam ka jaiza
Quetta: Soobai mohtasib Balochistan ki zer-e-sadarat muqadmat o shikayat ki pesh raft ka jaiza
Rakhni: Assistant Commissioner ki aate ki dukanon ki achanak checking, naap tol mein kami par jurmane
Jafarabad: Assistant Commissioner Dheeraj Kalra ka District Headquarters Hospital ka daura, tibbi sahuliyat ka jaiza
Quetta: Shikayat o muqadmat ki pesh raft par soobai mohtasib ka afsaran ke sath aham ijlas
Usta Muhammad: Deputy Commissioner ki sadarat mein District Coordination Committee ka ijlas
Soobai wazir Sehat Bakht Kakar: Balochistan mein do saal se Polio ka koi case report nahin hua
Governor Balochistan se American businessman Tanveer Ahmed ki mulaqat, Scholarships aur sarmaya kari par baat cheet
Turbat: Government Girls Model High School ki talibaat ka Radio Pakistan Turbat ka mutalaati daura
