Film industry ke zawal ne tafreehi sargarmiyon par manfi asar dala: Governor Punjab Sardar Saleem Haider Khan
Lahore: Film Producers Association ke wafd ne, jis ki qayadat chairman Mian Amjad Farzand kar rahe the, Governor House Lahore mein Governor Punjab Sardar Saleem Haider Khan se mulaqat ki.
Governor Punjab ne awam ko sasti aur miyari tafreeh faraham karne ki ahmiyat par zor diya. Unhon ne kaha ke film industry ke zawal ne muashre mein tafreehi sargarmiyon par manfi asar dala hai.
Governor ka kehna tha ke tafreehi sanat aalami satah par Pakistan ka ek musbat aur naram tashakhus ujagar karne ka mauassir zariya hai. Fankar mulk ke bare mein sarhadon ke paar ek achha tasur qayam karne mein kaleedi kirdar ada karte hain.
Unhon ne kaha ke bila shubha Pakistani film industry ne aise kai namwar fankar paida kiye hain jinhon ne cinema ki duniya mein apni salahiyaton ka loha manwaya hai. Unhon ne tajweez di ke film industry se wabasta legendary shakhsiyat ko qaumi aazazat dene ke liye sifarishat pesh ki jani chahiyen.
Mulaqat ke dauran Mian Amjad Farzand ne Governor ko film industry ko darpesh mukhtalif challenges se agah kiya aur hukumat par zor diya ke woh is shobe se wabasta afrad ki sarparasti kare. Un ka kehna tha ke film industry ki bahali se lakhon logon ke liye rozgar ke mauqe paida honge.
Wafd mein film industry ki numayan shakhsiyat shamil thin, jin mein Shaan Shahid, Syed Noor, Nasir Adeeb, Shahzad Rafique aur TV anchor Zulfiqar Rahat shamil the.
Mazeed parhen: Showbiz
Rajpal Yadav ne ahliya Radha ko khandan ka heera qarar de diya, salgirah par jazbati paigham
Taylor Swift neelay libas mein Cinderella look ki wajah se muddahon ki tawajjo ka markaz
Aamir Liaquat ki Videos viral karne ka muqadma: Dania Shah ke na-qabil-e-zamanat warrant girftari jari
Ozzy Osbourne akhri concert ke baad wafat ke din tak khush the, Sharon Osbourne
Justin Bieber ki ahliya Hailey ke sath Kacey Musgraves ke concert ki tasaweer Instagram par share
Taylor Swift ki Academy Museum Gala ki nai tasaveer, Toy Story 5 ki team se mulaqat
Arts Council Karachi mein Aiman Zara ki pehli solo performance, namwar gulukaron ke geet pesh kar ke daad samet li
Sindh High Court ne film Ghost School ki mashroot numaish ki ijazat de di, censor board ko 10 roz mein faisle ka hukm
Russell Brand case: Khatoon ka 2004 mein ziyadti ka ilzam, police ko diya gaya bayan London ki court mein jury ko sunaya gaya
Hareem Farooq ne Social Media trolling par khamoshi tor di, kaha logon ki baaton ki parwa chor di thi
Nadia Afghan ka drama Dar-e-Nijat ke kirdaron ko ghair haqiqi kehne walon ko jawab
