BME ki Khuzdar Engineering University ke talba ko ek ek lakh rupay ki merit Scholarships
Khuzdar: Bolan Mining Enterprises (BME) ne Taleem ke farogh aur maqami naujawanon ki salahiyaton ko ujagar karne ke liye Balochistan University of Engineering and Technology Khuzdar (BUET) ke basalahiyat talba o talibat ko ek ek lakh rupay fi kas ki record merit Scholarships faraham ki hain.
Scholarships ke chek BME Khuzdar ke Operations Manager Nadeem Ahmed ne talba mein taqseem kiye. Is mauqe par Khuzdar Engineering University ke Pro Vice Chancellor Dr Sohrab Bizenjo, Registrar Dr Jalal Shah aur Admin Officer Engineer Raza Zehri bhi mojood the.
BME intizamia ka kehna hai ke hamare nazdeek sab se bari sarmaya kari sirf zameen ke neeche mojood maadniyat mein nahin balke zameen ke upar mojood insani salahiyaton mein hai. Isi vision ke tehat BME Taleem samet sehat, rozgar aur samaji falah o behbood ke tamam shobon mein din raat falahi kaamon mein masroof hai.
Idare ke tarjuman ke mutabiq yeh Scholarships talba ki mehnat, azm aur taleemi karkardagi ko sarahne ke liye di gayi hain, aur yeh BME ke is derina azm ki akkasi karti hain jis ka maqsad sanat aur taleemi idaron ke darmiyan taawun ko mazboot banana aur engineers, mojidon aur qaideen ki agli nasl ke liye mawaqe paida karna hai jo Balochistan ka mustaqbil sanwarein ge.
BME intizamia ne kaha ke khidmat-e-khalq ka yeh silsila tasalsul ke sath jari rahega aur idara awami falah ke liye hamesha dilchaspi ke sath kaam karta rahega. BME ne Scholarship hasil karne wale tamam talba ko mubarakbad pesh karte hue umeed zahir ki ke un ki kamyabi aane wale kal mein beshumar deegar naujawanon ke liye mash’al-e-rah banegi.
Taleemi halqon ne BME ke is tarikhi iqdam ko sarahte hue kaha ke is tarah ki Scholarships se gharib aur qabil talba ko aala Taleem ke husool mein bara sahara milega, aur BME ki jaanib se talba o talibat ki hausla afzai qabil-e-tehseen amal hai.
Tasveer: Bashukriya DGPR Balochistan
Mazeed parhen: Balochistan
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
Usta Muhammad: Deputy Commissioner ka digital library ka daura, tameeraati kaam ka jaiza
Quetta: Soobai mohtasib Balochistan ki zer-e-sadarat muqadmat o shikayat ki pesh raft ka jaiza
Rakhni: Assistant Commissioner ki aate ki dukanon ki achanak checking, naap tol mein kami par jurmane
Jafarabad: Assistant Commissioner Dheeraj Kalra ka District Headquarters Hospital ka daura, tibbi sahuliyat ka jaiza
Quetta: Shikayat o muqadmat ki pesh raft par soobai mohtasib ka afsaran ke sath aham ijlas
Usta Muhammad: Deputy Commissioner ki sadarat mein District Coordination Committee ka ijlas
Soobai wazir Sehat Bakht Kakar: Balochistan mein do saal se Polio ka koi case report nahin hua
Governor Balochistan se American businessman Tanveer Ahmed ki mulaqat, Scholarships aur sarmaya kari par baat cheet
Turbat: Government Girls Model High School ki talibaat ka Radio Pakistan Turbat ka mutalaati daura
