Azad Kashmir mein barishon se jaani o maali nuqsan par Bilawal Bhutto ka izhar-e-afsos

Chairman PPP Bilawal Bhutto Zardari ne Azad Jammu o Kashmir mein mosladhar barishon ke baais qeemati jaani o maali nuqsan par afsos ka izhar kiya hai.

Chairman PPP Bilawal Bhutto ne barishon ke baais mukhtalif hadsaat mein apne pyaron ko khone wale khandanon se dili taziyat ka izhar karte hue mutasira khandanon ko foori imdad, rescue, rehaish aur tibbi sahuliyat ki faraahmi yaqeeni banane ka mutalba kiya.

Unhon ne kaha ke mazeed shadeed barishon ki peshingoi ke pesh-e-nazar hangami taiyariyon ko mazeed mu’assar banane ki zaroorat hai, PPP ke ohdedaron aur karkunan barish se mutasira ilaqon mein imdadi sargarmiyon mein bharpoor kirdar ada karen.