Assistant Commissioner Pasni Khusro Dilawari ka RHC Pasni ka daura, ghair hazir mulazimeen ke khilaf karrawai ki hidayat
Gwadar/Pasni: Chief Minister Balochistan Mir Sarfraz Bugti ke awam dost vision ke mutabiq shehriyon ko miari aur barwaqt tibbi sahuliyat un ki dehleez par faraham karne ke liye zilai intizamia Gwadar mutaharrik hai. Isi silsile mein Deputy Commissioner Gwadar Naqeebullah Kakar ki hidayat par Assistant Commissioner Pasni Khusro Dilawari ne Rural Health Center (RHC) Pasni ka tafseeli daura kiya aur tibbi sahuliyat, intizami umoor aur amle ki karkardagi ka jaiza liya.
Assistant Commissioner ne OPD, emergency ward, mukhtalif shobon, adwiyat ki dastyabi, safai ki surat-e-hal aur mareezon ko di jane wali sahuliyat ka muaina kiya. Unhon ne amle ki hazri check ki aur ghair hazir mulazimeen ki tafseelat talab karte hue muta’alliqa hukkam ko qawaid o zawabit ke mutabiq zaroori karrawai ki hidayat ki.
Is mauqe par Assistant District Health Officer (ADHO) Pasni Dr Nazir Baloch ne hospital ki majmui karkardagi, emergency adwiyat ke kote, dastyab tibbi sahuliyat aur darpesh masail se agah kiya. Assistant Commissioner ne bila ta’attul aur miari tibbi khidmat ki faraham, adwiyat ki dastyabi barqarar rakhne aur hospital ke intizami umoor ko mazeed muassir banane par zor diya.
Khusro Dilawari ne kaha ke Chief Minister Balochistan Mir Sarfraz Bugti ke vision aur Deputy Commissioner Gwadar Naqeebullah Kakar ki hidayat ke mutabiq awam ko behtareen tibbi sahuliyat ki faraham zilai intizamia ki awwaleen tarjeeh hai. Unhon ne wazeh kiya ke hospital mein nazm o zabt, amle ki hazri aur mareezon ko miari khidmat ki faraham mein kisi qism ki ghaflat ya kotahi bardasht nahin ki jaye gi.
Tasveer: bashukriya DGPR Balochistan
Mazeed parhen: Balochistan
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
Usta Muhammad: Deputy Commissioner ka digital library ka daura, tameeraati kaam ka jaiza
Quetta: Soobai mohtasib Balochistan ki zer-e-sadarat muqadmat o shikayat ki pesh raft ka jaiza
Rakhni: Assistant Commissioner ki aate ki dukanon ki achanak checking, naap tol mein kami par jurmane
Jafarabad: Assistant Commissioner Dheeraj Kalra ka District Headquarters Hospital ka daura, tibbi sahuliyat ka jaiza
Quetta: Shikayat o muqadmat ki pesh raft par soobai mohtasib ka afsaran ke sath aham ijlas
Usta Muhammad: Deputy Commissioner ki sadarat mein District Coordination Committee ka ijlas
Soobai wazir Sehat Bakht Kakar: Balochistan mein do saal se Polio ka koi case report nahin hua
Governor Balochistan se American businessman Tanveer Ahmed ki mulaqat, Scholarships aur sarmaya kari par baat cheet
Turbat: Government Girls Model High School ki talibaat ka Radio Pakistan Turbat ka mutalaati daura
