Assistant Commissioner Pasni Khusro Dilawari ka BHU Babar Shor aur Parag ka daura, tibbi sahuliyat ka jaiza
Pasni: Chief Minister Balochistan Mir Sarfraz Bugti ke vision ke tehat shehriyon ko un ki dehleez par miyari bunyadi Sehat ki sahuliyat ki farahmi aur Sehat marakiz ki karkardagi muassir banane ke liye Assistant Commissioner Pasni Khusro Dilawari ne BHU Babar Shor aur BHU Parag ka daura kiya.
Assistant Commissioner ne dono marakiz mein tibbi sahuliyat, amle ki hazri, adwiyat ki dastiyabi, mareezon ko farahem ki jane wali khidmat aur mujmui karkardagi ka jaiza liya aur amle se darpesh masail ke bare mein maloomat hasil keen.
Unhon ne hidayat ki ke amle ki hazri yaqeeni banate hue mareezon ko barwaqt aur miyari tibbi sahuliyat farahem ki jayen aur adwiyat ki dastiyabi bhi yaqeeni banai jaye. Unhon ne kaha ke hukumat Balochistan ki tarjeeh hai ke door daraz ilaqon ke awam ko bhi bunyadi Sehat ki sahuliyat bila tatal mayassar hon, jis ke liye Sehat marakiz ki baqaida nigrani jari rakhi jaye gi.
Tasweer: Bashukriya DG PR Balochistan
Mazeed parhen: Balochistan
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
Usta Muhammad: Deputy Commissioner ka digital library ka daura, tameeraati kaam ka jaiza
Quetta: Soobai mohtasib Balochistan ki zer-e-sadarat muqadmat o shikayat ki pesh raft ka jaiza
Rakhni: Assistant Commissioner ki aate ki dukanon ki achanak checking, naap tol mein kami par jurmane
Jafarabad: Assistant Commissioner Dheeraj Kalra ka District Headquarters Hospital ka daura, tibbi sahuliyat ka jaiza
Quetta: Shikayat o muqadmat ki pesh raft par soobai mohtasib ka afsaran ke sath aham ijlas
Usta Muhammad: Deputy Commissioner ki sadarat mein District Coordination Committee ka ijlas
Soobai wazir Sehat Bakht Kakar: Balochistan mein do saal se Polio ka koi case report nahin hua
Governor Balochistan se American businessman Tanveer Ahmed ki mulaqat, Scholarships aur sarmaya kari par baat cheet
Turbat: Government Girls Model High School ki talibaat ka Radio Pakistan Turbat ka mutalaati daura
