Additional Deputy Commissioner Lasbela Siraj Ahmed Baloch ka Government Boys High School Lakhra ka achanak daura
Lasbela: Additional Deputy Commissioner Lasbela Siraj Ahmed Baloch ne Government Boys High School Lakhra ka achanak daura kiya aur school mein tadrisi amal, hazri aur tameerati kaamon ka tafseeli jaiza liya.
Additional Deputy Commissioner ne hazri register ka muaina kar ke amle ki hazri check ki, mukhtalif classrooms ka daura kiya aur talba se dostana mahaul mein baat cheet karte hue sawalat kiye. Talba ki hosla afzai karte hue unhon ne hidayat ki ke woh apni tamam tar tawajjo hasool-e-taleem par markooz rakhein taake mustaqbil mein ilaqe aur mulk ka naam roshan kar saken.
Baad azan unhon ne Balochistan Special Development Initiative (BSDI) ke tehat school mein jari naye imtehani hall aur kamron ki tameer o marammat ke kaam ka bhi muaina kiya aur mutaliqa hukkam ko kaam ka miyar behtar banane aur ise jald az jald mukammal karne ki hidayat ki, taake talba ko behtar taleemi sahuliyat muyassar aa saken.
Alawa azin unhon ne Government Girls School Lakhra ka bhi daura kiya.
Tasveer: Bashukriya DG PR Balochistan
Mazeed parhen: Balochistan
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
Usta Muhammad: Deputy Commissioner ka digital library ka daura, tameeraati kaam ka jaiza
Quetta: Soobai mohtasib Balochistan ki zer-e-sadarat muqadmat o shikayat ki pesh raft ka jaiza
Rakhni: Assistant Commissioner ki aate ki dukanon ki achanak checking, naap tol mein kami par jurmane
Jafarabad: Assistant Commissioner Dheeraj Kalra ka District Headquarters Hospital ka daura, tibbi sahuliyat ka jaiza
Quetta: Shikayat o muqadmat ki pesh raft par soobai mohtasib ka afsaran ke sath aham ijlas
Usta Muhammad: Deputy Commissioner ki sadarat mein District Coordination Committee ka ijlas
Soobai wazir Sehat Bakht Kakar: Balochistan mein do saal se Polio ka koi case report nahin hua
Governor Balochistan se American businessman Tanveer Ahmed ki mulaqat, Scholarships aur sarmaya kari par baat cheet
Turbat: Government Girls Model High School ki talibaat ka Radio Pakistan Turbat ka mutalaati daura
