Jemima Goldsmith ne Irish businessman Cameron Whurley se doosri shadi kar li

British akhbar Daily Mail ke mutabiq Jemima Goldsmith ne 62 saala Irish businessman Cameron Whurley se doosri shadi kar li hai, Jemima ke bhai ne bhi shadi ki tasdeeq kar di hai.

Jemima Goldsmith ki pehli shadi sabiq wazir-e-azam Imran Khan se hui thi, dono ki shadi 1995 mein hui aur 2004 mein talaq ho gayi thi.

Award yafta producer Jemima aur Irish Australian karobari shakhsiyat ke baare mein kaha jata hai ke un ki mulaqat filmon aur dastavezi filmon ke silsile mein kaam ke dauran hui thi.

Jemima Jones ki share ki gayi tasveer mein is purwaqar maqam ki ek jhalak dikhayi gayi, jahan yeh jora ek shandar pathreeli imarat ke ahate mein maujood kanwal ke talab ke kinare khara tha.

Unhon ne halke neele rang ka ek dhila dhala libas pehen rakha tha, jis par rang birange nabatati naqsh o nigar aur mutazad neele rang ki patti thi, jabke Ben gehre rang ke morning coat, halke surmayi waistcoat aur dhaaridar patloon mein nihayat nafees nazar aa rahe the.