Sui mein 12 Rabi ul Awwal jaloos ke intezamat: Assistant Commissioner Syed Mansoor Ali Shah ki safai aur security ki hidayat

Sui: Assistant Commissioner Sui Syed Mansoor Ali Shah ki zair-e-sadarat 12 Rabi ul Awwal, jashn-e-Eid Milad un Nabi (S.A.W.) ke mauqe par foolproof security aur intezami tartibat ke hawale se aham ijlas munaqid hua, jis mein Dawat-e-Islami, Tehreek-e-Labbaik Pakistan aur Anjuman-e-Tajiran ke numainda, police hukkam, Assistant Manager Operations Public Welfare Hospital aur deegar afsaran ne shirkat ki.

Ijlas mein markazi jaloos ke muqarrara routes, security intezamat, safai suthrai, Tajawuzat ke khatme aur tibbi sahuliyat ki faraahmi ka tafseeli jaiza liya gaya. Assistant Commissioner ne hidayat ki ke jaloos ke tamam raston par safai ke behtareen intezamat, Tajawuzat ka fori khatma aur foolproof security yaqeeni banai jaye, jabke Public Welfare Hospital intezamia ko jaloos ke roz hungami tibbi sahuliyat aur ambulance service alert rakhne ki hidayat ki.

Ijlas mein tamam mazhabi o tijarati tanzeemon ne Eid Milad un Nabi (S.A.W.) ke mauqe par mazhabi ehtram, bhai chare, Aman o Aman aur bahmi taawun yaqeeni banane ke azm ka izhar kiya.

Tasveer: Bashukriya DGPR Balochistan