Quetta: Tor Nasir Cross aur Koyla Phatak par ghair qanooni toddy car service ke khilaf crackdown, 21 gaDiyon ke challan
Quetta: Soobai hukumat ke ahkamat par secretary Regional Transport Authority (RTA) Quetta Division Naimatullah Tareen aur SP traffic Sadar circle Asim Shah ki nigrani mein RTA aur traffic police ke amle ne Tor Nasir Cross aur Koyla Phatak par mushtarka karrawai karte hue musafir uthane wali ghair qanooni toddy car services ke khilaf bharpoor crackdown kiya.
Karrawai ke dauran teen toddy cars aur ek Suzuki pickup overloading aur izafi kiraya wusool karne par band kar di gayin. GaDiyon ke kaghzat, route permit, driving license aur musafiron ke qaumi shanakhti cards ki janch bhi ki gayi aur baghair shanakhti card musafiron ko safar karane wale drivers ke khilaf qanooni karrawai ki gayi. Is ke alawa zaid kiraya aur overloading par 21 gaDiyon ke challan kiye gaye.
Naimatullah Tareen ne kaha ke hukumat-e-Balochistan ke wazeh ahkamat ki roshni mein ghair mulki afrad ko qanooni dastawezat aur mutaliqa ijazat ke baghair safar ki hargiz ijazat nahin di jayegi. Unhon ne kaha ke overloading, ghair qanooni musafir bardari, baghair route permit gaDiyan chalane aur izafi kiraya wusool karne walon ke khilaf bila imtiaz karrawaiyan jari rahengi.
Is mauqe par Quetta ta Chaman, Pishin, Loralai aur Qila Abdullah samet mukhtalif routes par chalne wali ghair qanooni toddy car services ka muaina bhi kiya gaya aur unhein izafi kiraya aur overloading se gurez ki hidayat ki gayi.
Tasweer: bashukriya DG PR Balochistan
Mazeed parhen: Balochistan
Zhob mein sooba-i mohtasib ki hidayat par Khuli Kachehri, shehriyon ki shikayat suni gayin
Turbat: University of Turbat ke University Model School ke Board of Trustees ka teesra ijlas
Qila Abdullah: Assistant Commissioner Sardar Abdullah Khan ki zer-e-sadarat mahkama maal ke umoor ka jaiza
Chaman: District Education Officer ke achanak muaaine, ghair hazir asatiza se wazahat talab
Loralai mein Deputy Commissioner ki sadarat mein revenue court day, muqadmat ki sama’at
Chaman: Aalmi Youm-e-Insidad-e-Polio par aagahi taqreeb, Deputy Commissioner ka khitab, front line workers ko asnaad
Shumali Dera Bugti: Chief Minister Sarfraz Bugti ki musalsal teesri Khuli Kachehri, shehriyon ke masail sune
Shumali Dera Bugti: Chief Minister Sarfraz Bugti ka naye sarkari daftar ka iftetah, tarqiyati mansoobon ka jaiza
Balochistan mein FWO ki karkardagi naqis rahi: Wazir-e-aala Sarfraz Bugti
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
