Quetta mein aate ki zaid qeemat par farokht, 8 wholesale dealers giraftar
Quetta: Wazir-e-aala Balochistan Mir Sarfraz Bugti ke ahkamat aur Deputy Commissioner Quetta Mehrullah Badini ki sarbarahi mein zilai intizamia shehar ke mukhtalif ilaqon mein aate ki qeematon ka jaiza le rahi hai.
Guzishta roz mukhtalif karwaiyon mein 8 wholesale dealers giraftar kar ke jail muntaqil kar diya gaya.
Tafseelat ke mutabiq Assistant Commissioner (City) Muhammad Amir Hamza ne sub division City ke mukhtalif ilaqon mein aate ki qeematon ka jaiza lene ke liye dukanon ka daura kiya.
Is mauqe par unhon ne dukandaron ko sarkari nirkhnamay ke mutabiq aate ki farokht yaqeeni banane ki hidayat ki aur khilaf-warzi karne walon ko sakht warning jari ki.
Sariab mein karwai
Assistant Commissioner Sariab ki team ne Eastern Bypass, Jatak Stop aur Gilani Road Sariab par aate ki qeematon ke hawale se karwaiyan kin.
Karwai ke dauran sarkari nirkhnamay se zaid qeemat par aata farokht karne wale 8 wholesale dealers ko giraftar kar liya gaya.
Zilai intizamia ke mutabiq karwai ka maqsad sarkari nirkhnamay par amal dar aamad yaqeeni banana, awam ko mehnge damon aate ki farokht se bachana aur muqarrara qeematon par aate ki dastiyabi yaqeeni banana hai.
Unhon ne wazeh kiya ke sarkari nirkhnamay par amal dar aamad har surat yaqeeni banaya jaye ga, basurat-e-deegar khilaf-warzi karne walon ke khilaf qanooni karwai amal mein layi jaye gi.
Mazeed parhen: Balochistan
Zhob mein sooba-i mohtasib ki hidayat par Khuli Kachehri, shehriyon ki shikayat suni gayin
Shumali Dera Bugti: Chief Minister Sarfraz Bugti ki musalsal teesri Khuli Kachehri, shehriyon ke masail sune
Turbat: University of Turbat ke University Model School ke Board of Trustees ka teesra ijlas
Qila Abdullah: Assistant Commissioner Sardar Abdullah Khan ki zer-e-sadarat mahkama maal ke umoor ka jaiza
Chaman: District Education Officer ke achanak muaaine, ghair hazir asatiza se wazahat talab
Loralai mein Deputy Commissioner ki sadarat mein revenue court day, muqadmat ki sama’at
Chaman: Aalmi Youm-e-Insidad-e-Polio par aagahi taqreeb, Deputy Commissioner ka khitab, front line workers ko asnaad
Shumali Dera Bugti: Chief Minister Sarfraz Bugti ka naye sarkari daftar ka iftetah, tarqiyati mansoobon ka jaiza
Balochistan mein FWO ki karkardagi naqis rahi: Wazir-e-aala Sarfraz Bugti
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
