Quetta: Kam umar aur shanakhti card ke baghair afrad par water tanker chalane ki pabandi, khilaf warzi par giraftari hogi
Quetta: Additional Deputy Commissioner (General) Quetta Muhammad Anwar Kakar ki zer-e-sadarat water tanker association ka ijlas munaqid hua, jis mein traffic police, secretary RTA aur association ke numainda’on ne shirkat ki.
Ijlas mein faisla kiya gaya ke kam umar bachchon aur baghair qaumi shanakhti card ke kisi bhi shakhs ko water tanker chalane ki ijazat nahin hogi. Khilaf warzi ki soorat mein sakht qanooni karrawai, giraftari aur water supply band ki jaye gi.
Tamam tanker malikan ko hidayat ki gayi ke woh hifazti iqdamat par amal karein, tamam tankeron ki agli aur pichhli lights faal rakhein aur drivers ke driving license banwane aur un ki tajdeed ka amal jald mukammal karein.
Additional Deputy Commissioner (General) Muhammad Anwar Kakar ne kaha ke shehriyon ki jaan o maal ke tahaffuz par koi samjhota nahin kiya jaye ga aur traffic qawanin ki khilaf warzi karne walon ke khilaf bila imtiyaz karrawai jari rahe gi.
Tasveer: Bashukriya DG PR Balochistan
Mazeed parhen: Balochistan
Zhob mein sooba-i mohtasib ki hidayat par Khuli Kachehri, shehriyon ki shikayat suni gayin
Turbat: University of Turbat ke University Model School ke Board of Trustees ka teesra ijlas
Qila Abdullah: Assistant Commissioner Sardar Abdullah Khan ki zer-e-sadarat mahkama maal ke umoor ka jaiza
Chaman: District Education Officer ke achanak muaaine, ghair hazir asatiza se wazahat talab
Loralai mein Deputy Commissioner ki sadarat mein revenue court day, muqadmat ki sama’at
Chaman: Aalmi Youm-e-Insidad-e-Polio par aagahi taqreeb, Deputy Commissioner ka khitab, front line workers ko asnaad
Shumali Dera Bugti: Chief Minister Sarfraz Bugti ki musalsal teesri Khuli Kachehri, shehriyon ke masail sune
Shumali Dera Bugti: Chief Minister Sarfraz Bugti ka naye sarkari daftar ka iftetah, tarqiyati mansoobon ka jaiza
Balochistan mein FWO ki karkardagi naqis rahi: Wazir-e-aala Sarfraz Bugti
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
