Quetta: Assistant Commissioner City Amir Hamza ka Chehlum ke julusoon aur majalis ke routes ka daura, security intizamat ka jaiza

Quetta: Deputy Commissioner Quetta Mehrullah Badini ki hidayat par Assistant Commissioner (City) Muhammad Amir Hamza ne intizamia ki team ke hamrah Chehlum ke julusoon aur majalis ke routes ka tafseeli daura kiya.

Daure ke dauran unhon ne security intizamat, traffic plan aur deegar intizami umoor ka jaiza liya taake azadaron ko puramn aur mehfooz mahaul faraham kiya ja sake. Is mauqe par police aur deegar qanoon nafiz karne wale idaron ki janib se security ke foolproof intizamat kiye gaye the.

Mutalliqa idaron ko hidayat ki gayi ke Chehlum ke dauran majalis aur julusoon ke routes par foolproof intizamat yaqeeni banaye jayen aur awam ko har mumkin sahulat faraham ki jaye.

Tasveer: Bashukriya DG PR Balochistan