Qila Abdullah mein Khuli Kachehri: DC Munawar Hussain Magsi aur MPA Engineer Zmarak Khan Achakzai ne awami masail sune
Qila Abdullah: Deputy Commissioner Qila Abdullah Munawar Hussain Magsi ki zair-e-nigrani DC Complex Jungle Pir Alizai mein Khuli Kachehri munaqid hui, jis mein Awami National Party ke markazi rehnuma aur rukn soobai assembly Engineer Zmarak Khan Achakzai ne khusoosi shirkat ki. Khuli Kachehri mein qabaili umaeedin, shehriyon, awami numainday aur mukhtalif sarkari mehkamon ke afsaran shareek hue.
Is moqe par DPO Qila Abdullah Khalil Ahmed Bugti, Additional Deputy Commissioner General Engineer Najmuddin Kakar, Assistant Commissioner Qila Abdullah Sardar Abdullah Khan Achakzai, District Health Officer Dr Abdul Salam Khosa, District Education Officer Ahmed Khan, DMPPHI Ziaur Rehman, District Superintendents Jafar Khan Tareen aur Muhammad Shafiq Khan, Deputy Education Officers Abdul Mannan Achakzai aur Gulistan Hafizullah Pir Alizai, Social Welfare Officer Khalil Ahmed, Masood Ahmed Achakzai, Habibur Rehman, Deputy Forest Officer Hikmatullah Majkwal, Engineer Manzoor Kakar aur Engineer Khalil Ahmed samet mukhtalif mehkamon ke afsaran maujood the.
Shehriyon aur qabaili umaeedin ne sarkon, sehat, taleem, bijli, aman o aman, revenue aur bunyadi sahuliyat se mutaliq shikayat, tajaveez aur mutalibat pesh kiye. Engineer Zmarak Khan Achakzai ne awami masail tawajjoh se sune aur kaha ke masail ki barwaqt nishandehi aur hal ke liye awam aur intizamia ke darmiyan barah-e-rast rabta nihayat aham hai aur idaron ko apni zimmedariyan muassir andaz mein ada karni chahiyen.
Deputy Commissioner Munawar Hussain Magsi ne pesh kiye gaye masail ka jaiza liya, afsaran se briefing hasil ki aur hidayat ki ke awami masail ke hal ke liye sanjeeda aur amli iqdamat kiye jayen. Unhon ne kaha ke zila intizamia awam ko relief, jaiz shikayat ke izale aur bunyadi sahuliyat ki behtari ke liye apni zimmedariyan poori tandehi se ada karegi. Shurka ne barah-e-rast rabte ka platform faraham karne par zila intizamia ke iqdam ko saraha.
Tasveer: bashukriya DGPR Balochistan
Mazeed parhen: Balochistan
Zhob mein sooba-i mohtasib ki hidayat par Khuli Kachehri, shehriyon ki shikayat suni gayin
Turbat: University of Turbat ke University Model School ke Board of Trustees ka teesra ijlas
Qila Abdullah: Assistant Commissioner Sardar Abdullah Khan ki zer-e-sadarat mahkama maal ke umoor ka jaiza
Chaman: District Education Officer ke achanak muaaine, ghair hazir asatiza se wazahat talab
Loralai mein Deputy Commissioner ki sadarat mein revenue court day, muqadmat ki sama’at
Chaman: Aalmi Youm-e-Insidad-e-Polio par aagahi taqreeb, Deputy Commissioner ka khitab, front line workers ko asnaad
Shumali Dera Bugti: Chief Minister Sarfraz Bugti ki musalsal teesri Khuli Kachehri, shehriyon ke masail sune
Shumali Dera Bugti: Chief Minister Sarfraz Bugti ka naye sarkari daftar ka iftetah, tarqiyati mansoobon ka jaiza
Balochistan mein FWO ki karkardagi naqis rahi: Wazir-e-aala Sarfraz Bugti
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
