Qila Abdullah: FIPV muhim ke teesre roz ka evening review ijlas, Deputy Commissioner Munawar Hussain Magsi ki zair-e-sadarat

Qila Abdullah: Deputy Commissioner Qila Abdullah Munawar Hussain Magsi ki zair-e-sadarat District Emergency Operation Center (DEOC) mein FIPV (FIPV) muhim ke teesre roz ki karkardagi ka jaiza lene ke liye evening review ijlas munaqid hua.

Ijlas mein District Health Officer Dr Abdul Salam Khoso, District Manager PPHI Ziaur Rehman, Polio Officer Dr Ahmed Jamali, SBCC Officer Abdul Basit Achakzai, District Communication Officer Dr Daulat Khan Kakar aur mutaliqa afsaran ne shirkat ki.

Ijlas mein muhim ki pesh raft, bachchon ki vaccination, teamon ki karkardagi, coverage aur field mein darpesh masail ka jaiza liya gaya. Deputy Commissioner ne hidayat ki ke har ahal bachche tak barwaqt hifazati vaccine pahunchayi jaye, kisi bachche ko muhim se mehroom na rehne diya jaye aur nigrani ka nizam mazeed moasir banaya jaye.

Unhon ne Polio workers, mahkama sehat, PPHI, security idaron aur field staff ki khidmat ko saraha aur azm zahir kiya ke zilai intizamia hukumat Balochistan aur qaumi insadad-e-Polio program ke taawun se zila Qila Abdullah ko Polio se paak banane ke liye tamam dastiyab wasail barooye kaar laye gi.

Tasveer: bashukriya DG PR Balochistan