Naseerabad: Khuli Kachehri mein shikayat par Imrani shakh ke tail tak pani ki faraahmi ka masla hal

Naseerabad: Deputy Commissioner Naseerabad Varinder Lal ki awami masail ke fori hal ki koshishon ke tasalsul mein Imrani shakh ke tail tak pani ki faraahmi ka masla hal kar diya gaya hai.

Khuli Kachehri mein abadgaron ki shikayat par fori notice lete hue mehkama irrigation ko hidayat jari ki gayi thin, jis ke nateeje mein tail ke talabon mein pani ki faraahmi jari hai.

Isi tarah library ki bahali, wine store ki muntaqili, RHC Chattar mein Sehat ki sahuliyat ki faraahmi aur sadkon ki bahali samet deegar awami masail par bhi amali pesh raft jari hai.

Deputy Commissioner ne kaha ke awami khidmat, shikayat ka barwaqt izala aur moassir service delivery zilai intizamiya ki awwaleen tarjeeh hai.

Tasveer: Bashukriya DGPR Balochistan