Mir Kalmati Inter Educational Sports Festival Gwadar 2026 ikhtitam pazeer, Gowtri School Football champion
Gwadar: Mir Kalmati Inter Educational Sports Festival Gwadar 2026 shandar andaz mein ikhtitam pazeer ho gaya. 7 September se jari festival mein Gwadar ke sarkari o nijji taleemi idaron ke talba o talibat ne bharpoor shirkat ki aur marathon, rassa kashi, Cricket aur Football sameet mukhtalif khelon ke muqable hue. Festival soobai hukumat ki khelon aur taleemi idaron mein khelon ke culture ke farogh ki policy ke tahat munaqid kiya gaya.
Boys Football ka final Baba Bizenjo Football Stadium mein Government Jadeed High School Gwadar aur Government Gowtri High School ke darmiyan khela gaya, jis mein Gowtri School ne dilchasp muqable ke baad 3-2 se kamyabi hasil kar ke championship apne naam kar li.
Ikhtitami taqreeb ke mehman-e-khusoosi Additional Deputy Commissioner Revenue Zahoor Ahmed Baloch the, jabke Mir Arshad Kalmati, DEO Zahid Hussain, zilai programme manager Adil Nodezi, principal Majeed KB aur head master Waheed Hamdard sameet asatiza, talba, walidain aur shaiqeen shareek hue. Taqreeb ka aghaz tilawat, qaumi tarane aur milli naghme se hua.
Numayan karkardagi dikhane wale scout parade dastay, khilariyon aur teamon mein trophies, naqd inamat aur asnad taqseem ki gayin. Gowtri School ke Asghar Akbar behtareen goal keeper, Asim Hasil behtareen khilari aur Jadeed School ke Wajo Shaban top scorer qarar paye. Mir Arshad Kalmati ne festival ki kamyabi mein taawun karne wale tamam afraad aur idaron ka shukriya ada kiya.
Tasveer: bashukriya DGPR Balochistan
Mazeed parhen: Balochistan
Zhob mein sooba-i mohtasib ki hidayat par Khuli Kachehri, shehriyon ki shikayat suni gayin
Turbat: University of Turbat ke University Model School ke Board of Trustees ka teesra ijlas
Qila Abdullah: Assistant Commissioner Sardar Abdullah Khan ki zer-e-sadarat mahkama maal ke umoor ka jaiza
Chaman: District Education Officer ke achanak muaaine, ghair hazir asatiza se wazahat talab
Loralai mein Deputy Commissioner ki sadarat mein revenue court day, muqadmat ki sama’at
Chaman: Aalmi Youm-e-Insidad-e-Polio par aagahi taqreeb, Deputy Commissioner ka khitab, front line workers ko asnaad
Shumali Dera Bugti: Chief Minister Sarfraz Bugti ki musalsal teesri Khuli Kachehri, shehriyon ke masail sune
Shumali Dera Bugti: Chief Minister Sarfraz Bugti ka naye sarkari daftar ka iftetah, tarqiyati mansoobon ka jaiza
Balochistan mein FWO ki karkardagi naqis rahi: Wazir-e-aala Sarfraz Bugti
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
