Mir Akram Bangulzai ne PPP se istifa wapas le liya, Ali Madad Jattak ki mulaqat ke baad tahfuzat door
Quetta: Pakistan PPP ke markazi rehnuma o soobai wazir Haji Ali Madad Jattak ne siyasi o qabaili rehnuma Malik Mir Akram Bangulzai ki rihaish gah par un se aham mulaqat ki, jis mein siyasi o qabaili surat-e-haal, bahami dilchaspi ke umoor aur party mamlaat par tafseeli tabadla-e-khayal kiya gaya.
Wazeh rahe ke guzishta dinon Malik Mir Akram Bangulzai ne Pakistan PPP se mustafi hone ka elan kiya tha. Haji Ali Madad Jattak ne mulaqat mein un ke tahfuzat tafseel se sune aur unhein door karne ke liye har mumkin taawun ki yaqeen dehani karayi, jis ke baad Mir Akram Bangulzai ne tahfuzat door hone par party se apna istifa wapas lene ka elan kar diya.
Is mauqe par Malik Mir Akram Bangulzai ne kaha ke Balochistan mein Haji Ali Madad Jattak jaise haqiqi awami rehnuma ki maujoodgi awam aur party karkunon ke liye umeed ki kiran hai, aur woh awami masail ke hal aur karkunon ke sath har mushkil waqt mein sabit qadmi se khare rehte hain. Mulaqat ke ikhtitam par donon rehnumaon ne party ke istehkam, bahami rabton ke farogh aur awami masail ke hal ke liye mil kar kirdar ada karne ke azm ka izhar kiya.
Tasveer: Bashukriya DGPR Balochistan
Mazeed parhen: Balochistan
Zhob mein sooba-i mohtasib ki hidayat par Khuli Kachehri, shehriyon ki shikayat suni gayin
Turbat: University of Turbat ke University Model School ke Board of Trustees ka teesra ijlas
Qila Abdullah: Assistant Commissioner Sardar Abdullah Khan ki zer-e-sadarat mahkama maal ke umoor ka jaiza
Chaman: District Education Officer ke achanak muaaine, ghair hazir asatiza se wazahat talab
Loralai mein Deputy Commissioner ki sadarat mein revenue court day, muqadmat ki sama’at
Chaman: Aalmi Youm-e-Insidad-e-Polio par aagahi taqreeb, Deputy Commissioner ka khitab, front line workers ko asnaad
Shumali Dera Bugti: Chief Minister Sarfraz Bugti ki musalsal teesri Khuli Kachehri, shehriyon ke masail sune
Shumali Dera Bugti: Chief Minister Sarfraz Bugti ka naye sarkari daftar ka iftetah, tarqiyati mansoobon ka jaiza
Balochistan mein FWO ki karkardagi naqis rahi: Wazir-e-aala Sarfraz Bugti
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
