Mahakma Social Welfare aur HBL Konnect mein mufahimati yaddasht: khusoosi afrad ke liye KUMAK program par moassir amalDarAmad
Quetta: Hukumat-e-Balochistan ke Social Welfare Department aur HBL Konnect ke darmiyan mufahimati yaddasht (MOU) par dastkhat kiye gaye, jis ke zariye khusoosi afrad ke liye KUMAK program par amaldaramad mazeed moassir banane ka azm kiya gaya.
Chief Minister Balochistan Mir Sarfraz Bugti ki khusoosi afrad ki falah o bahbood ke liye kawishon aur Parliamentary Secretary baraye Social Welfare Wali Muhammad Nurzai ki musalsal mehnat ke nateeje mein Secretary Social Welfare Department Asmatullah Qureshi aur HBL Konnect ke darmiyan yeh yaddasht tay pai.
Mufahimati yaddasht ka maqsad KUMAK program ke tehat khusoosi afrad ko maali moaawanat, taleemi sahuliyat aur deegar falahi iqdamat ki shaffaf aur moassir faraahmi ko yaqeeni banana hai.
KUMAK program ke tehat Hukumat-e-Balochistan khusoosi afrad ke liye wazaif aur taleemi sahuliyat faraham karegi, jin mein PhD tak Taleem ke akhrajat bhi Hukumat-e-Balochistan ke kharch par yaqeeni banaye jayenge, jabke khusoosi afrad ko maashi tor par khudmukhtar banane ke liye bila sood qarzon samet deegar sahuliyat bhi faraham ki jayengi.
HBL Konnect ke zariye in sahuliyat aur maali moaawanat ki mustahiq afrad tak rasai ko mazeed aasan, shaffaf aur moassir banaya jayega, jis se khusoosi afrad ki Taleem, maali khudmukhtari aur muashrati shamooliyat ke liye Hukumat-e-Balochistan ke iqdamat ko amli tor par mazeed taqwiyat milegi.
Tasveer: bashukriya DG PR Balochistan
Mazeed parhen: Balochistan
Zhob mein sooba-i mohtasib ki hidayat par Khuli Kachehri, shehriyon ki shikayat suni gayin
Turbat: University of Turbat ke University Model School ke Board of Trustees ka teesra ijlas
Qila Abdullah: Assistant Commissioner Sardar Abdullah Khan ki zer-e-sadarat mahkama maal ke umoor ka jaiza
Chaman: District Education Officer ke achanak muaaine, ghair hazir asatiza se wazahat talab
Loralai mein Deputy Commissioner ki sadarat mein revenue court day, muqadmat ki sama’at
Chaman: Aalmi Youm-e-Insidad-e-Polio par aagahi taqreeb, Deputy Commissioner ka khitab, front line workers ko asnaad
Shumali Dera Bugti: Chief Minister Sarfraz Bugti ki musalsal teesri Khuli Kachehri, shehriyon ke masail sune
Shumali Dera Bugti: Chief Minister Sarfraz Bugti ka naye sarkari daftar ka iftetah, tarqiyati mansoobon ka jaiza
Balochistan mein FWO ki karkardagi naqis rahi: Wazir-e-aala Sarfraz Bugti
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
