Loralai College of Nursing mein maan ke doodh ki ahmiyat par seminar; pehle chhe maah sirf maan ka doodh pilane par zor
Loralai: Balochistan Nutrition Directorate mehkama Sehat ke zer-e-ehtemam aur UNICEF ke taawun se Director Nutrition Dr Naeem Khan Zarkoon ki hidayat par Loralai College of Nursing mein maan ke doodh ki ahmiyat o afadiyat par seminar munaqid hua.
Seminar se qaim maqam District Health Officer Dr Shah Zaman Hamzazai, Head of Children Ward Dr Hanif Domar, ADSM PPHI Muhibullah Kakar, SO MNCH Programme Muhammad Usman Musakhel, Principal College of Nursing Madam Sakina Kakar, District Nutrition Coordinator Naqibullah Nasir aur Safety Officer Balochistan Food Authority Shahzad Nasir ne khitab kiya.
Muqarrireen ne kaha ke dauran-e-haml mutawazin khuraak, TT vaccination aur kisi tibbi pecheedgi ki soorat mein baqt par tibbi amle se rujoo maan aur bachche ki sehat ke liye zaroori hai. Paidaish ke fauran baad aur pehle chhe maah tak sirf maan ka doodh bachche ki zehni o jismani nashonuma aur quwwat-e-mudafiat ke liye intihai aham hai aur bachchon ko mukhtalif bimariyon se mehfooz rakhta hai.
Unhon ne kaha ke maan aur bachche ki sharh-e-amwaat mein kami ke liye shaoor o agahi, baqt par vaccination aur ehtiyati tadabeer buniyadi ahmiyat rakhti hain. Masnooi doodh waqti tor par bhook mita sakta hai magar maan ke doodh ke qudrati ghizai ajza aur hifazati khususiyat bachche ki behtar nashonuma ke liye nihayat aham hain.
Muqarrireen ka kehna tha ke mehngai, ghurbat aur qudrati afaat ke baais baaz khandan ghizai kami ka shikar hain; Nushki mein ghizai kami ke baais bachchon mein laghar pan, qad ki munasib nashonuma na hona aur deegar masail samne aa rahe hain jin par qaboo pane ke liye muashrati rawaiyon mein musbat tabdeeli aur moassar agahi nagozeer hai.
Seminar mein LHW teamon, Benazir Programme ke marakiz, Nutrition Programme ke OTP centers, nurses, health care providers, Divisional Polio Officer Dr Hanif Looni, MNE Officer Syed Rafiullah Shah, DSV Gul Nawaz Khan Nasir, ADC General Ali Nawaz Jamali aur deegar ne shirkat ki.
Tasveer: bashukriya DGPR Balochistan
Mazeed parhen: Balochistan
Zhob mein sooba-i mohtasib ki hidayat par Khuli Kachehri, shehriyon ki shikayat suni gayin
Turbat: University of Turbat ke University Model School ke Board of Trustees ka teesra ijlas
Qila Abdullah: Assistant Commissioner Sardar Abdullah Khan ki zer-e-sadarat mahkama maal ke umoor ka jaiza
Chaman: District Education Officer ke achanak muaaine, ghair hazir asatiza se wazahat talab
Loralai mein Deputy Commissioner ki sadarat mein revenue court day, muqadmat ki sama’at
Chaman: Aalmi Youm-e-Insidad-e-Polio par aagahi taqreeb, Deputy Commissioner ka khitab, front line workers ko asnaad
Shumali Dera Bugti: Chief Minister Sarfraz Bugti ki musalsal teesri Khuli Kachehri, shehriyon ke masail sune
Shumali Dera Bugti: Chief Minister Sarfraz Bugti ka naye sarkari daftar ka iftetah, tarqiyati mansoobon ka jaiza
Balochistan mein FWO ki karkardagi naqis rahi: Wazir-e-aala Sarfraz Bugti
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
