Khuzdar: September ki Polio muhim mein 49 union councils ke 1 lakh 80 hazar se zaid bachon ko qatre pilane ka hadaf
Khuzdar: Polio muhim barae September 2026 ke silsile mein District Polio Eradication Committee (DPEC) ka aham ijlas Deputy Commissioner Khuzdar Abdul Razzaq Sasoli ki zer-e-sadarat DC conference room mein munaqid hua.
Ijlas mein Chief Officer Khuzdar Wadera Saleh Jamot, DHO Khuzdar Dr Abdul Hameed Lehri, Assistant Commissioner Nal Abdullah, Executive Officers Engineer Saleem Razzaq Umrani, Engineer Liaqat Ali, Dr Anwar Zehri, District Education Officer Khuzdar, DEOs, DEOC ke members, partner organizations aur muta’alliqa mahkamon ke deegar afsaran ne shirkat ki.
Ijlas mein September ki Polio muhim ki tafseeli hikmat-e-amli aur taiyyaron ka jaiza liya gaya. Briefing mein bataya gaya ke muhim zila Khuzdar ki tamam 49 union councils mein chalayi jaye gi, jis ke dauran paanch saal tak ki umr ke 1 lakh 80 hazar se zaid bachon ko Polio se bachao ke qatre pilane ka hadaf muqarrar kiya gaya hai.
Kam karkardagi ka muzahira karne wali union councils (Low Performing UCs) ki bhi nishandehi ki gayi, aur in UCs mein coverage behtar banane, reh jane wale bachon tak rasai aur teamon ki karkardagi moassir banane ke liye khusoosi iqdamat aur laiha-e-amal tay kiya gaya. Ijlas mein muhim ki security surat-e-haal ka bhi tafseeli jaiza liya gaya aur field teams, vaccinators aur deegar amle ko foolproof security faraham karne ke liye intizamat mazeed behtar banane par zor diya gaya.
Deputy Commissioner Abdul Razzaq Sasoli ne kaha ke «Polio muhim ki kamyabi ke liye tamam dastiyab wasail baroe kaar laye jayen. Mahkame aur partner idare bahami rabta o taawun ko mazeed behtar banayen taake zila bhar mein koi bhi bacha Polio vaccine se mehroom na rahe.»
Unhon ne tamam afsaran ko hidayat ki ke Low Performing UCs par khusoosi tawajjoh di jaye aur muhim ke dauran kisi qism ki ghaflat bardasht nahin ki jaye gi. Unhon ne kaha ke yeh ek qaumi zimmedari aur nayi nasl ko ek marz se bachane ka muamla hai, lihaza sab jazbe ke tehat khidmat saranjam den taake Polio jaise marz ka mustaqil taur par khatma kiya ja sake.
Tasveer: bashukriya DG PR Balochistan
Mazeed parhen: Balochistan
Zhob mein sooba-i mohtasib ki hidayat par Khuli Kachehri, shehriyon ki shikayat suni gayin
Turbat: University of Turbat ke University Model School ke Board of Trustees ka teesra ijlas
Qila Abdullah: Assistant Commissioner Sardar Abdullah Khan ki zer-e-sadarat mahkama maal ke umoor ka jaiza
Chaman: District Education Officer ke achanak muaaine, ghair hazir asatiza se wazahat talab
Loralai mein Deputy Commissioner ki sadarat mein revenue court day, muqadmat ki sama’at
Chaman: Aalmi Youm-e-Insidad-e-Polio par aagahi taqreeb, Deputy Commissioner ka khitab, front line workers ko asnaad
Shumali Dera Bugti: Chief Minister Sarfraz Bugti ki musalsal teesri Khuli Kachehri, shehriyon ke masail sune
Shumali Dera Bugti: Chief Minister Sarfraz Bugti ka naye sarkari daftar ka iftetah, tarqiyati mansoobon ka jaiza
Balochistan mein FWO ki karkardagi naqis rahi: Wazir-e-aala Sarfraz Bugti
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
