Joint Road Quetta ki tawseea: dukanon se mutaliq khasusi committee ki report mukammal, High Court mein pesh hogi
Quetta: Mozziz Balochistan High Court ki hidayat aur Commissioner Quetta Division ki janib se qaim khasusi sub committee ke faislon ki roshni mein Joint Road ki tawseea se qabl mojood dukanon ki tadad aur un ki mojooda haisiyat ke taayun ke hawale se ijlas Additional Deputy Commissioner (Revenue) Quetta Hafiz Muhammad Tariq ki zer-e-sadarat munaqid hua.
Ijlas mein Assistant Commissioner (City), Metropolitan Corporation ke Chief Engineer aur Chief Architect, Pakistan Railways, Balochistan Traffic Engineering Bureau (BTEB), Tehsildar City, GIS Specialist (Board of Revenue) aur deegar mutaliqa mahakmon ke numainadon ne shirkat ki.
Ijlas ke dauran Joint Road ke mushtarka survey (Joint Visit), mukhtalif mahakmon ki reports, record, naqsha jaat, lease orders, allotment orders aur mutaliqa dastavezat ka tafseeli jaiza liya gaya.
Khasusi committee ne dukanon se mutaliq apni report mukammal kar li, jise mozziz Balochistan High Court ki hidayat ke mutabiq muqarrara tareeqa kaar ke tahat pesh kiya jayega. Ijlas mein mutaliqa idaron ke record ki tasdeeq aur bahami taawun ke amal ko bhi hatmi shakl di gayi.
Tasveer: Bashukriya DG PR Balochistan
Mazeed parhen: Balochistan
Zhob mein sooba-i mohtasib ki hidayat par Khuli Kachehri, shehriyon ki shikayat suni gayin
Turbat: University of Turbat ke University Model School ke Board of Trustees ka teesra ijlas
Qila Abdullah: Assistant Commissioner Sardar Abdullah Khan ki zer-e-sadarat mahkama maal ke umoor ka jaiza
Chaman: District Education Officer ke achanak muaaine, ghair hazir asatiza se wazahat talab
Loralai mein Deputy Commissioner ki sadarat mein revenue court day, muqadmat ki sama’at
Chaman: Aalmi Youm-e-Insidad-e-Polio par aagahi taqreeb, Deputy Commissioner ka khitab, front line workers ko asnaad
Shumali Dera Bugti: Chief Minister Sarfraz Bugti ki musalsal teesri Khuli Kachehri, shehriyon ke masail sune
Shumali Dera Bugti: Chief Minister Sarfraz Bugti ka naye sarkari daftar ka iftetah, tarqiyati mansoobon ka jaiza
Balochistan mein FWO ki karkardagi naqis rahi: Wazir-e-aala Sarfraz Bugti
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
