Indus Hospital Gwadar mein MRI machine aur budget ki kami: Maulana Hidayat-ur-Rehman ne wazir-e-sehat se rabta kiya
Gwadar: Rukn-e-soobai assembly Balochistan Maulana Hidayat-ur-Rehman Baloch ne Indus Hospital Gwadar ke Chief Executive Officer Dr Nasir Sheikh se mulaqat ki, jis mein hospital ke intizami umoor, tibbi sahuliyat ki faraahmi, budget mein kami aur awam ko darpesh tibbi masail par tafseeli tabadla-e-khayal kiya gaya.
Rukn soobai assembly ne hospital ke intizami o tibbi nizam mein behtari ke liye intizamia ki kawishon ko saraha aur kaha ke Gwadar ke awam ko miyari, barwaqt aur jadeed tibbi sahuliyat ki faraahmi hukumati tarjihat ka hissa hai.
Dr Nasir Sheikh ne bataya ke budget mein kami ke baais baaz tibbi o intizami umoor mutasir ho rahe hain, jabke jadeed tashkhisi sahuliyat mein intehai aham MRI machine ki adam faraahmi bhi maali wasail ki kami se munsalik hai, jis ke baais mareezon ko tashkhees ke liye deegar shehron ka rukh karna parta hai.
Maulana Hidayat-ur-Rehman Baloch ne moqa par hi wazir-e-sehat Balochistan Bakht Kakar, secretary sehat aur additional secretary sehat se rabta kar ke unhein hospital ke masail, khusoosan MRI machine ki faraahmi se aagah kiya. Hukkam ne yaqeen dehani karai ke masail ke hal, budget se mutaliq umoor ke jaize aur MRI machine ki faraahmi ke liye tarjihi bunyadon par iqdamat kiye jayenge, jabke secretary sehat ne hospital ka daura kar ke surat-e-haal ka khud jaiza lene ki bhi yaqeen dehani karai.
Rukn assembly ne kaha ke sehat-e-aama mein bunyadi aur jadeed sahuliyat ki faraahmi har shehri ka haq hai, Gwadar ke awam ke liye mutaliqa forums par moassir awaz uthai jati rahegi, aur sehat ke masail ke payedar hal ke liye hukumat, mehkama sehat aur mutaliqa idaron ke darmiyan moassir rabta aur amali iqdamat nagzeer hain.
Tasveer: Bashukriya DGPR Balochistan
Mazeed parhen: Balochistan
Zhob mein sooba-i mohtasib ki hidayat par Khuli Kachehri, shehriyon ki shikayat suni gayin
Turbat: University of Turbat ke University Model School ke Board of Trustees ka teesra ijlas
Qila Abdullah: Assistant Commissioner Sardar Abdullah Khan ki zer-e-sadarat mahkama maal ke umoor ka jaiza
Chaman: District Education Officer ke achanak muaaine, ghair hazir asatiza se wazahat talab
Loralai mein Deputy Commissioner ki sadarat mein revenue court day, muqadmat ki sama’at
Chaman: Aalmi Youm-e-Insidad-e-Polio par aagahi taqreeb, Deputy Commissioner ka khitab, front line workers ko asnaad
Shumali Dera Bugti: Chief Minister Sarfraz Bugti ki musalsal teesri Khuli Kachehri, shehriyon ke masail sune
Shumali Dera Bugti: Chief Minister Sarfraz Bugti ka naye sarkari daftar ka iftetah, tarqiyati mansoobon ka jaiza
Balochistan mein FWO ki karkardagi naqis rahi: Wazir-e-aala Sarfraz Bugti
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
