Haji Muhammad Khan Lehri ki Dera Murad Jamali mein wufood se mulaqatein: “Watan ke chappe chappe ki hifazat qaumi zimmedari hai”
Naseerabad: Soobai Parliamentary Secretary baraye Excise and Taxation o rukn Soobai Assembly Haji Muhammad Khan Lehri ne kaha hai ke Pakistan La Ilaha Illallah ke naam par maarz-e-wujood mein aaya aur is ki azadi hamein mah-e-muqaddas Ramzan ul Mubarak mein 14 August ko naseeb hui. Pakistan aik azad, khudmukhtar aur Islami riyasat hai jis ke chappe chappe ki hifazat hum sab ki qaumi zimmedari hai.
Unhon ne in khayalat ka izhar Lehri House Dera Murad Jamali mein mukhtalif wufood aur awami numainDon se mulaqat ke dauran kiya. Unhon ne kaha ke qiyam-e-Pakistan ke baad hamein ghulami ki zanjeeron se nijat mili aur aaj hum apni mazhabi, samaji aur qaumi rasumat mukammal azadi se ada kar rahe hain, yeh azadi buzurgon ki bemisal jidd-o-jehd, lazawal qurbaniyon aur shuhada ke khoon ka samar hai.
Haji Muhammad Khan Lehri ne kaha ke 14 August qaumi azm ki tajdeed ka mauqa hai, ikhtilafat bala-e-taaq rakh kar qaumi yakjehti, bhai chare aur hubb-ul-watani ko farogh dena chahiye. Nojawan mulk ka roshan mustaqbil hain, unhein taleem, hunar aur musbat sargarmiyon ki janib raghib kar ke mazboot Pakistan ki bunyad mazeed mustahkam ki ja sakti hai.
Unhon ne kaha ke Balochistan samet mulk ke tamam ilaqon ki taraqqi aur awam ko bunyadi sahuliyat ki faraahmi awwaleen tarjihat mein shamil hai. Unhon ne ahl-e-watan ko 79wein jashn-e-azadi ki mubarakbad dete hue kaha ke hamein is ahd ke saath Yaum-e-Azadi manana chahiye ke Pakistan ki salamati, khudmukhtari, taraqqi aur khushhali ke liye kisi qurbani se daregh nahin karenge.
Tasveer: Bashukriya DG PR Balochistan
Mazeed parhen: Balochistan
Zhob mein sooba-i mohtasib ki hidayat par Khuli Kachehri, shehriyon ki shikayat suni gayin
Turbat: University of Turbat ke University Model School ke Board of Trustees ka teesra ijlas
Qila Abdullah: Assistant Commissioner Sardar Abdullah Khan ki zer-e-sadarat mahkama maal ke umoor ka jaiza
Chaman: District Education Officer ke achanak muaaine, ghair hazir asatiza se wazahat talab
Loralai mein Deputy Commissioner ki sadarat mein revenue court day, muqadmat ki sama’at
Chaman: Aalmi Youm-e-Insidad-e-Polio par aagahi taqreeb, Deputy Commissioner ka khitab, front line workers ko asnaad
Shumali Dera Bugti: Chief Minister Sarfraz Bugti ki musalsal teesri Khuli Kachehri, shehriyon ke masail sune
Shumali Dera Bugti: Chief Minister Sarfraz Bugti ka naye sarkari daftar ka iftetah, tarqiyati mansoobon ka jaiza
Balochistan mein FWO ki karkardagi naqis rahi: Wazir-e-aala Sarfraz Bugti
Qila Saifullah mein karwai, aham Dehshatgardi commander halak: Ziaullah Langove
Usta Muhammad: Assistant Commissioner ka DHQ hospital ka daura, teen doctor duty par maujood nahin paye gaye
