Duki District Education Group ijlas: band school faal banane aur ghair hazir amle ke khilaf karrawai ki hidayat

Duki: Deputy Commissioner Duki Fazal ur Rehman Kabdani ki zer-e-sadarat District Education Group ka ijlas munaqid hua, jis mein Assistant Commissioner Loni Fateh Khan Bangulzai, District Education Officer Syed Amir Shah Bukhari, District Accounts Officer Abdul Baqi, RTSM Head Muhammad Jamil Nasir aur deegar afsaran ne shirkat ki.

Ijlas mein guzishta DEG ijlas ke faislon par amalderamad, ghair hazir tadrisi o ghair tadrisi amle, field visit reports, faal o band schoolon, RTSM report aur manzoor shuda, pur aur khali asamiyon ki tafseelat ka jaiza liya gaya, jabke taleemi idaron ki mojooda soorat-e-haal aur amle ki hazri par bhi ghaur kiya gaya.

Deputy Commissioner ne hidayat ki ke sarkari taleemi idaron mein amle ki hazri yaqeeni banai jaye, ghair hazir ahalkaron ke khilaf qawaid ke mutabiq karrawai ki jaye aur band schoolon ko faal banane ke liye moasir iqdamat kiye jayein. Unhon ne field monitoring mazeed moasir banane aur reports barwaqt pesh karne ki hidayat karte hue kaha ke miyari taleem ki faraahmi zilai intizamia ki tarjeehat mein shamil hai.

Tasveer: Bashukriya DGPR Balochistan