Duki: Deputy Commissioner Fazal ur Rehman Kabdani ka BHU Nasir Abad aur Rescue 1122 ka daura, hazri aur ambulances ka muaina

Duki: Deputy Commissioner Duki Fazal ur Rehman Kabdani ne BHU Nasir Abad aur Rescue Center 1122 ka tafseeli daura kar ke awam ko faraham ki jane wali Sehat aur hangami imdadi sahuliyat ka jaiza liya.

BHU Nasir Abad mein unhon ne mukhtalif shobon ka muaina kiya, tibbi staff ki hazri check ki aur dastiyab sahuliyat, mareezon ke intezamat aur adwiyat ke stock ka jaiza liya. Unhon ne staff se adwiyat ki dastiyabi, tibbi khidmat aur markaz ke masail ke bare mein maloomat leen aur hidayat ki ke bunyadi Sehat ki sahuliyat ki faraham mein koi ghaflat ya kotahi na barti jaye.

Baad azan Rescue Center 1122 mein Deputy Commissioner ne ahalkaron ki hazri, sahuliyat aur emergency services ke intezamat ka jaiza liya aur ambulances ki halat, dastiyabi, zaroori aalat aur fori response ki salahiyat ka muaina kiya. Unhon ne hidayat ki ke tamam sahuliyat faal aur muassir rakhi jayen, mulazimeen barwaqt hazri yaqeeni banayen aur awam ko Sehat o hangami khidmat ki faraham mein fori aur behtareen response diya jaye.

Tasveer: Bashukriya DG PR Balochistan