DHO Gwadar Dr Yasir Tahir ka Ormara ka daura, RHC, BHU Basol aur MCH Center ka muaina

Gwadar: Chief Minister Balochistan Mir Sarfraz Bugti ke vision “Sehat ki bunyadi sahuliyat awam ki dehleez par” ke tehat District Health Officer Gwadar Dr Yasir Tahir ne Ormara ka daura kiya.

Unhon ne Rural Health Center (RHC) Ormara aur Bunyadi Markaz-e-Sehat (BHU) Basol ka muaina kiya, adwiyat muhaiya keen aur tibbi sahuliyat, amle ki hazri aur mareezon ko faraham ki jane wali khidmat ka jaiza liya. Unhon ne MCH Center Ormara ka bhi daura kiya.

Dr Yasir Tahir ne amle ko awam ko barwaqt aur miyari tibbi sahuliyat ki faraahmi yaqeeni banane ki hidayat ki aur kaha ke door daraz ilaqon ke awam ko dehleez par bunyadi sehat ki sahuliyat ki faraahmi mehkama sehat ki awwalin tarjihat mein shamil hai.

Tasveer: Bashukriya DGPR Balochistan