Deputy Commissioner Quetta Mehrullah Badini ki zer-e-sadarat CSR committee ka ijlas, jari mansoobe waqt par mukammal karne ki hidayat

Quetta: Deputy Commissioner Quetta Mehrullah Badini ki zer-e-sadarat corporate samaji zimmedari (CSR) committee ka ijlas munaqid hua, jis mein rukn National Assembly Jamal Shah Kakar, Mari Gas company ke numainda’on, Additional Deputy Commissioner (General) aur deegar afsaran ne shirkat ki.

Ijlas mein Quetta ke mukhtalif ilaqon mein schoolon, taleemi idaron aur deegar awami idaron mein CSR ke tehat jari aur mujawwaza taraqqiati kaamon par tafseeli briefing di gayi, aur mansoobon ki pesh raft, awami zaruriyat aur kaamon ko mazeed mu’assir banane ke umoor ka jaiza liya gaya.

Deputy Commissioner Mehrullah Badini ne hidayat ki ke CSR ke tehat jari mansoobe waqt par mukammal kiye jayen aur awami falah-o-behbood ko tarjih di jaye.

Tasveer: Bashukriya DG PR Balochistan