Deputy Commissioner Naseerabad Varinder Lal ka District Library ka daura, Khuli Kachehri ke baad bijli aur pankhe bahal

Naseerabad: Deputy Commissioner Naseerabad Varinder Lal ne District Library ka daura kiya aur mutalae ke liye aane wale talba se mulaqat kar ke sahuliyat aur darpesh masail ke bare mein maloomat hasil kin.

Guzishta dinon Khuli Kachehri mein library se mustafid hone wale talba ne Deputy Commissioner ko bijli ki adam dastiyabi, pankhon ki kami aur deegar sahuliyat na hone se agah kiya tha. Deputy Commissioner ke ahkamat par library mein bijli bahal, pankhe nasb aur deegar zaroori saman faraham kiya gaya. Talba ne Khuli Kachehri mein Deputy Commissioner se library ke daure ki darkhwast bhi ki thi.

Talba ne bunyadi sahuliyat ki fori bahali par Deputy Commissioner ka shukriya ada kiya aur kaha ke baqat iqdamat se unhein mutalae ka behtar mahaul mayassar aaya hai. Deputy Commissioner ne kaha ke Taleem ke baghair muashre aur mulk ki taraqqi mumkin nahin, libraryan ilm ka khazana hain, talba un se bharpoor istifada karen aur mutalae ko rozmarra zindagi ka hissa banayen. Unhon ne kaha ke naujawan nasl mulk o qaum ka mustaqbil hai aur talba ke jaiz masail ke hal aur taleemi idaron o libraryon mein sahuliyat ki faraham ke liye zilai intizamia apni zimmedariyan poori karti rahegi.

Tasveer: bashukriya DG PR Balochistan